سەنات باسشىسى داريعا نازارباەۆامەن 24 قىركۇيەكتەگى كەزدەسۋلەر بارىسىندا پارلامەنتتەر باسشىلارى ەۋرازيا ەلدەرى پارلامەنتتەرى سپيكەرلەرى كەڭەسىنىڭ جوعارى دەڭگەيدە ۇيىمداستىرىلعانى مەن پىكىرسايىستاردىڭ مازمۇندى بولعانىن اتاپ ءوتتى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.
جاپوندىق پارلامەنتارالىق دوستىق ليگاسى توراعاسى, وكىلدەر پالاتاسىنىڭ دەپۋتاتى ت.كاۆامۋرا د.نازارباەۆانى سەنات توراعاسى لاۋازىمىنا تاعايىندالۋىمەن قۇتتىقتاپ, قازاقستان رەسپۋبليكاسىنىڭ تۇڭعىش پرەزيدەنتى ن.نازارباەۆتىڭ 2016 جىلعى جاپونيا ساپارىن جىلى شىرايمەن ەسكە الدى. سەنات توراعاسى ءوز كەزەگىندە نۇرسۇلتان نازارباەۆتىڭ قازان ايىندا جاپونيانىڭ يمپەراتورى نارۋحيتونىڭ تاققا وتىرۋ سالتاناتىنا قاتىسۋدى جوسپارلاپ وتىرعانىن مالىمدەدى. «ەلباسىنى اسىعا كۇتەمىز», - دەدى ت.كاۆامۋرا.
سەنات باسشىسى جاپوندىق دەپۋتاتتى پارلامەنتتىڭ جوعارعى پالاتاسىنىڭ وتىرىسىنا قاتىسۋعا جانە كۇنشىعىس ەلىنىڭ كاسىپكەرلەرىن قازاقستانمەن بىرلەسكەن جوبالار ازىرلەۋگە شاقىردى.
سەنات باسشىسى جانە گەرمانيا, كيپر, سەربيا, چەرنوگوريانىڭ پارلامەنتتىك دەلەگاتسيالارىنىڭ باسشىلارىمەن كەزدەسۋ كەزىندە نەگىزگى تاقىرىپ – ساۋدا-ەكونوميكالىق ارىپتەستىكتى دامىتۋ قاجەتتىگى تالقىلاندى. داريعا نازارباەۆا قازاقستاندا شەتەلدىك ينۆەستيتسيانى قورعاۋ مەن شەتەلدىك بيزنەستى قولداۋدىڭ كوپتەگەن شارالارى ازىرلەنگەنىن ايتا وتىرىپ, شەتەلدىك كاسىپكەرلەردى شەكارالاس ەلدەر, ەڭ الدىمەن, قحر جانە رەسەيمەن ساۋدا باسىمدىقتارىن پايدالانا وتىرىپ, قازاقستانعا ينۆەستيتسيا قۇيۋعا شاقىردى. «جاڭادان قۇرىلعان شەتەلدىك بيزنەسپەن ءوزارا ءىس-قيمىل ينستيتۋتتارى ماڭىزدى رول اتقارادى. قازاقستاننىڭ تۇڭعىش پرەزيدەنتى ن.نازارباەۆ قۇرعان شەتەلدىك ينۆەستورلاردىڭ كەڭەسى جۇمىسىن جالعاستىرىپ وتىرعان ەرەكشە ينستيتۋت جانە ونىڭ الەۋەتى ارتا تۇسۋدە», - دەدى سەنات توراعاسى.
كەزدەسۋدە قازاقستاندا ءتۋريزمدى دامىتۋ تاقىرىبى دا تالقىلاندى. سەنات باسشىسىنىڭ پىكىرىنشە, پارلامەنتارالىق ىنتىماقتاستىق اياسىندا قۇرىلعان دەپۋتاتتىق دوستىق توپتارى ەرەكشە ءرول اتقارۋى ىقتيمال. «قازاقستان – تۇراقتى, قاۋىپسىز مەملەكەت. ءبىزدىڭ حالقىمىز قوناقجاي جانە اسەم تابيعاتىمىز بار», - دەپ سەنات باسشىسى قازاقستاننىڭ تۋريزم سالاسىنداعى تارتىمدى تۇستارىن اتاپ ءوتتى.
ەقىۇ پارلامەنتتىك اسسامبلەياسىنىڭ توراعاسى گ.تسەرەتەليمەن حالىقارالىق كۇن ءتارتىبىنىڭ وزەكتى ماسەلەلەرى تالقىلاندى.
د.نازارباەۆا قازاقستان ەقىۇ پارلامەنتتىك اسسامبلەياسىمەن سىندارلى ىنتىماقتاستىقتى باعالايتىنىن اتاپ وتە كەلىپ, ونى پارلامەنتتىك ديپلوماتيانى ىلگەرىلەتۋ مەن سەنىمدى نىعايتۋدىڭ ماڭىزدى الاڭى دەپ سانايتىنىن ايتتى.
گ.تسەرەتەلي ۇيىمنىڭ پارلامەنتشىلەر اراسىنداعى بايلانىستاردى نىعايتۋ, جانجالداسۋشى تاراپتار اراسىندا ديالوگ ورناتۋ جونىندەگى جۇمىسى تۋرالى حابارلادى. ول ەقىۇ تۇڭعىش پرەزيدەنت ن.نازارباەۆتىڭ ەقىۇ نەگىزىن قالىپتاستىرۋشى قۇجات – 1975 جىلعى حەلسينكي قورىتىندى اكتىسىن قازىرگى زامانداعى وزگەرىستەر تۇرعىسىنان قايتا قاراۋ تۋرالى باستاماسىن قولدايتىنىن اتاپ ءوتتى. گ.تسەرەتەلي قازاقستاننىڭ ورتالىق ازيا ايماعىنداعى جانە حالىقارالىق ارەنادا بەيبىتشىلىك پەن تۇراقتىلىقتى قولداۋ جونىندەگى كۇش-جىگەرىن جوعارى باعالادى.
كۋۆەيت مەملەكەتى ۇلتتىق اسسامبلەياسىنىڭ توراعاسى مارزۋك ءال-عانيممەن كەزدەسۋدە قاۋىپسىزدىك تاقىرىبى تالقىلاندى. داريعا نازارباەۆا كۋۆەيتتىڭ اۋەجايى مەن اسكەري بازاسى ارقىلى سيريادان قازاقستان ازاماتتارىن قۇتقارۋ جونىندەگى گۋمانيتارلىق وپەراتسيالارىن ىسكە اسىرۋدا كورسەتكەن كومەگى ءۇشىن كۋۆەيتكە العىس ءبىلدىردى. مارزۋك الي ءال-عانيم ءوز كەزەگىندە قاقتىعىستاردى, سونىڭ ىشىندە سيريا داعدارىسىن رەتتەۋدەگى قازاقستاننىڭ ماڭىزدى بىتىمگەرلىك باستامالارىن اتاپ ءوتتى.