بۇل جايىندا الماتىداعى ارنايى ءباسپاسوز ءماجىلىسى كەزىندە جوبا باسشىلارى مالىمدەدى.
جوبا ۇيىمداستىرۋشىلارىنىڭ پىكىرىنشە, GoSauda سەرۆيسىنىڭ ەرەكشەلىگى ينتەرنەت-دۇكەن جانە ەلەكتروندىق حابارلاندىرۋ تاقتاسىن ءبىر الاڭدا بىرىكتىرىپ وتىرعاندىعىندا جاتىر.
«حابارلاندىرۋ تاقتاسى مەن ينتەرنەت-دۇكەندى بىرىكتىرۋ يدەياسى ءبىزدىڭ نارىققا جەتىسپەي وتىر. جەكە-جەكە جۇمىس جاسايتىن قوسىمشالار مەن پلاتفورمالار وتە كوپ. ال بۇكىل قاجەتتىنىڭ ءبارىن ءبىر جەردە بىرىكتىرەتىن امبەباپ پلاتفورما جوق. سوندىقتان ءبىز وسى الاڭدا ءىزاشار بولىپ وتىرمىز», دەپ اتاپ ءوتتى «International Mentors Group» جشس كومپانيالارى باس ديرەكتورى ايبەك جارتىباەۆ.
سايت جەكە تۇلعالارعا دا, بيزنەس وكىلدەرىنە دە تاۋارلار مەن قىزمەتتەردى ونلاين ارقىلى ساتۋعا جانە ساتىپ الۋعا مۇمكىندىك بەرەدى. Gosauda Push-حابارلاما ارقىلى ساتۋشى مەن ساتىپ الۋشىنى تىكەلەي ەشقانداي دەلدالسىز بايلانىستىرادى.
سەرۆيس قولدانۋشىلارى الدىن الا موبيلدىك تەلەفونى ارقىلى تىركەلۋ نەمەسە Facebook-تەگى اككاۋنتىنا كىرۋ ارقىلى ءوز حابارلاندىرۋلارىن جاريالاي الادى. تىركەۋ كەزىندە ەلەكتروندىق پوشتانىڭ اتى, لوگينى مەن قۇپياسوزى, سونداي-اق, موبيلدىك تەلەفون كورسەتىلەدى. زاڭدى تۇلعالار كومپانيا شىنىمەن دە كاسىپكەرلىك قىزمەتپەن اينالىساتىن-اينالىسپايتىندىعىن انىقتاۋ ءۇشىن سەرۆيستىڭ ىشكى تەكسەرۋىنەن ءوتۋى كەرەك.
وسىدان كەيىن زاڭدى تۇلعالار ءوز كومپانياسىنىڭ بيزنەس-پاراقشاسىن اشىپ, ونى تولتىرۋ ارقىلى GoSauda پلاتفورماسىندا ءوز ينتەرنەت-دۇكەنىن اشا الادى. بۇل پاراقشادا كومپانيا اتاۋى, لوگوتيپى, باننەرى, بايلانىس اقپاراتى, كومپانيانىڭ سيپاتتاماسى (قىزمەت ءتۇرى, كاسىپورىن ۇلگىسى) جانە تاۋارلار مەن قىزمەتتەردىڭ اسسورتيمەنتى كورسەتىلەدى. سونداي-اق, پلاتفورمادا بىرقاتار اقىلى سەرۆيستەر دە قاراستىرىلعان.
حابارلاندىرۋلار ء«سان جانە ستيل», «بالالار الەمى», «كولىك», «ەلەكترونيكا», «جىلجىمايتىن م ۇلىك», «ۇيگە جانە كەڭسەگە ارنالعان زاتتار», «قىزمەتتەر», «حوببي, دەمالۋ جانە سپورت», «جۇمىس», «جانۋارلار», «سۇلۋلىق پەن دەنساۋلىق», «ازىق-ت ۇلىك ونىمدەرى» سىندى 12 سانات بويىنشا جىكتەلەدى. ءوز كەزەگىندە ساناتتار 160-قا جۋىق ساناتشالاردان تۇرادى.
قازىرگى تاڭدا سەرۆيس ورىس جانە قازاق تىلدەرىندە قولجەتىمدى, تاياۋ كەلەشەكتە اعىلشىن تىلىندەگى نۇسقاسى پايدا بولادى. ۆەب-سايتقا قوسا, Gosauda-نىڭ iOS جانە Android پلاتفورمالارىنا ارنالعان قوسىمشالارى جاساپ شىعارىلدى. ء«بىزدىڭ باستى مىندەتىمىز – قاجەتتى زاتتاردى تاۋىپ, ساۋداعا قويىپ, كومپانيالارعا جازىلىپ, ولاردىڭ حابارلامالارىن قاداعالاپ وتىرۋعا مۇمكىندىك بەرەتىن وڭاي موبيلدىك قوسىمشانى نارىققا ۇسىنۋ جانە قولدانۋشىنىڭ جاسىنا قاراماستان بىردەن تۇسىنىكتى بولاتىن ديزايندا ونى جاساپ شىعارۋ», دەپ اتاپ ءوتتى Gosauda جوباسىنىڭ جەتەكشىسى ايبول بيسەنقۇل.