قالاداعى جوعارى وقۋ ورىندارىنىڭ 400-گە جۋىق ستۋدەنتى الماراسان شاتقالىن قوقىس پەن قالدىقتان تازارتتى. وسى يگى ىستەرىمەن جالىندى جاستار ەلىمىزدىڭ پرەمەر-ءمينيسترى باستاعان «بىرگە - تازا قازاقستان» رەسپۋبليكالىق ەكولوگيالىق اكتسياسىنا ءوز ۇلەستەرىن قوستى. ولار جالپى 8 شاقىرىم اۋماقتى قوقىستان تازارتقان.
«بۇل ەستافەتانى قازاقستاننىڭ باسقا دا ۋنيۆەرسيتەتتەرىنە جولدايمىز. ءوزىمىز دەمالاتىن ورىندارىمىزدى تازا قالپىندا ساقتاۋىمىز كەرەك. تابيعات تازا بولسا, ادامزاتتىڭ دا كوڭىلى جاي. ارقاشان وسىنى ۇمىتپاۋىمىز قاجەت», – دەيدى ستۋدەنت الىشەر سۇلەيمەنوۆ
بۇل كۇنى شاھاردىڭ جەتىسۋ اۋدانىندا دا جاستار مەن ونەر مايتالماندارى قولدارىنا كۇرەك پەن سىپىرتقى ۇستاپ اۋدان اۋماعىن ايناداي تازارتتى. ءار ءتۇرلى سالانىڭ ماماندارى سەنبىلىك وتەتىنى تۋرالى الەۋمەتتىك جەلى ارقىلى حاباردار بولىپ, ءوز ەرىكتەرىمەن بەلسەندىلىك تانىتقان.يگى باستامىن قولداعان ولار اعاشتارعا سانيتارلىق كەسۋ جۇمىستارىن دا جۇرگىزدى.
الماتى