بۇگىن سەنبى, ياعني 21 قىركۇيەكتە تاڭعى ساعات 09.00-دان تۇسكى 14.00-گە دەيىن الماتىداعى قر دسم قازاق ونكولوگيا جانە راديولوگيا عىلىمي-زەرتتەۋ ينستيتۋتى مەن بارلىق وبلىستىق ونكولوگيالىق ديسپانسەرلەردە گينەكولوگيالىق قاتەرلى ىسىك اۋرۋلارىن ەرتە انىقتاۋ ءۇشىن, اشىق ەسىك كۇنى وتەدى.
جىل سايىن قازاقستاندا 1800-گە جۋىق ايەل جاتىر موينى وبىرىنا شالدىعادى. 600-گە جۋىق ايەل كوز جۇمادى. جاتىر موينى وبىرى ونكولوگيالىق اۋرۋلاردىڭ ىشىندە 2 ورىن الىپ وتىر.
ەگەر دە ءسىز وزىڭىزدە:
· جىنىستىق قاتىناستان كەيىن قىناپتان اعىل-توگىل سۋ ءتارىزدى جانە مەن قاندى سۇيىقتىقتى
· ەتەككىر ارالىعىندا كەيىنگى قىناپتان قان كەتۋدى
· جاعىمسىز ءيىسى بار ءبولىندىنى
· ءىشتىڭ تومەنگى جاعى مەن بەلدىڭ اۋىرۋىن
· ءىش كولەمىنىڭ جىلدام ۇلعايۋىن
· سونىمەن قاتار, السىزدىك پەن قاجۋ, تابەتتىڭ بولماۋىن بايقاساڭىز
جەدەل تۇردە ونكولوگ دارىگەرگە قارالۋىڭىز كەرەك.
ۋدز, كت, مرت-گە جولداما كورسەتكىشى بويىنا بەرىلەدى. كت جانە مرت تۇرعىلىقتى جەرى بويىنشا تەگىن. قوسىمشا اقپاراتتى +7 (727) 349-61-16 تەلەفونى ارقىلى بىلە الاسىزدار.
قازورعزي مەكەن-جايى: الماتى قالاسى, اباي داڭعىلى 91, شاگابۋتدينوۆ كوشەسىنىڭ قيىلىسى. قابىلداۋ جانە كەڭەس بەرۋ ءبولىمى.