«رۋحاني جاڭعىرۋ» باعدارلاماسى اياسىندا قازاق سوقىرلار قوعامى مەن زاعيپ جانە ناشار كورەتىن ازاماتتار كىتاپحاناسىنىڭ قولداۋىمەن زاعيپ جاندار اراسىندا سادىق كارىمباەۆتىڭ تۋعانىنا 100, جاقسىگەلدى سەيىلوۆتىڭ تۋعانىنا 70 جىل تولۋىنا وراي وتكەن رەسپۋبليكالىق كونكۋرس ءوز مارەسىنە جەتتى.
بايقاۋ ەرەجەسىنە سايكەس قاتىسۋشىلار ەكى ءان, ياعني ءبىر ءان اتالعان كومپوزيتورلاردىڭ شىعارمالارىنان, ەكىنشى ءان ءوز قالاۋلارى بويىنشا ورىندادى.
بايقاۋ ناتيجەسىنە وراي باس جۇلدە الماتى وبلىسىنان داۋكەن العىسبەكتىڭ ەنشىسىنە تيسە, ءبىرىنشى ورىندى ورال قالاسىنان بەردىعاليەۆ قاتيموللا, ەكىنشى ورىندى ماڭعىستاۋ قالاسىنان كەنجەعاراەۆا گۇلفايرا, ءۇشىنشى ورىندى شىمكەنت قالاسىنان تورەباي نۇرجان يەلەندى. ال ىنتالاندىرۋ سىيلىعىنا پاۆلودار قالاسىنان قوزعانوۆ قادىرحان, الماتى وبلىسىنان ارعىن نۇردانا, كورەرمەندەر قالاۋى بويىنشا شىمكەنت قالاسىنان جۋاشباەۆا گۇلحايا يە بولدى. بارلىق جەڭىمپازدار اقشالاي سىيلىقپەن ماراپاتتالادى. بايقاۋعا قاتىسۋدىڭ شىعىندارى قازاق سوقىرلار قوعامى تاراپىنان جابىلدى.