تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى «بىرگە – تازا قازاقستان» ەكولوگيالىق اكتسياسىنا قولداۋ ءبىلدىرىپ, رەسپۋبليكامىزدىڭ ءار ايماعىندا تازالىق شارالارىن وتكىزدى. رەسپۋبليكالىق چەللەندجگە مينيسترلىككە قاراستى «ازاماتتارعا ارنالعان ۇكىمەت» مەملەكەتتىك كورپوراتسياسى, «زەردە» اق, «ۇلتتىق اقپاراتتىق تەحنولوگيالار» اق, «قازپوشتا» اق مەن «قازاقتەلەكوم» اق قىزمەتكەرلەرى قاتىستى. سونىمەن قاتار اكتسياعا مينيستر اسقار جۇماعاليەۆتە قاتىستى.
جالپى رەسپۋبليكالىق دەڭگەيدە ءوتىپ جاتقان اكتسيا قورشاعان ورتانى قوقىستان تازارتىپ, ەلىمىزدىڭ ەكولوگيالىق جاعدايىن جاقسارتۋعا باعىتتالعان.
الماتى قالالىق فيليال ديرەكتورى دانيار قىرىقباەۆتىڭ ايتۋىنشا, ماڭىزدى ەكولوگيالىق شارانى مەملەكەتتىك كورپوراتسيانىڭ بارلىق ايماقتاعى فيليالدارى مەن قر ءتسدياو مينيسترلىگىنە قاراستى مەكەمەلەر قولدادى. «بۇگىن ءبىز ارىپتەستەرىمىزبەن ابىلاي حان قۇرمانعازى كوشەلەرىندەگى اللەياداعى 5 گەكتار اۋماقتى تازارتتىق. قىزمەتكەرلەرىمىز تۋعان جەردى كوركەيتۋگە وزىندىك ۇلەس قوسىپ وتىر. عاسىرلار بويى ىدىرامايتىن پلاستيك سياقتى قوقىستى جيناۋ – وتە ماڭىزدى. ءوڭىر تۇرعىندارىن وسىنداي تازالىق اكتسياسىن قولداۋعا عانا ەمەس, اينالانى تازا ۇستاپ قالدىقتاردى تاستاماۋعا شاقىرامىن», – دەيدى ديرەكتور.
ايتا كەتەيىك, ابىلاي حان مەن قۇرمانعازى كوشەلەرىندەگى اللەيانى جيناۋعا 840 قىزمەتكەر جۇمىلدىرىلدى. ولار بىرلەسىپ, 5 گەكتار جەردى تازارتىپ, ارتىنان ارنايى مەرەكەلىك شاراعا قاتىستى. مەرەكەلىك شارادا قامىسبەكوۆ مۇحاممەت ماحمۇت ۇلى, ءبىرجان نازاروۆ, سونىمەن قاتار باقاي توبى ءوز ءان شاشۋلارىن جولداسا, كۇلزايدا سارسەمبەكوۆا, ازامات شىناروۆ پەن سىرىم شونباەۆ دومبىرا كۇيىمەن ونەر كورسەتتى.
الماتى