اقش-تىڭ نيۋ-يورك قالاسىندا تەننيستەن «ۇلكەن دۋلىعا» ساناتىنداعى US Open (اقش اشىق بىرىنشىلىگى) ءتۋرنيرى ءوز مارەسىنە جەتتى. فينالدا يسپانيالىق رافاەل نادال مەن رەسەيلىك دانيل مەدۆەدەۆ باق سىناپ, يسپانيالىق تەننيسشى باسىم ءتۇستى.
ءتۋرنيردى بەسىنشى نومىرمەن باستاعان مەدۆەدەۆ فينالدا نادالدان 5:7, 3:6, 7:5, 6:4, 4:6 ەسەبىمەن جەڭىلىپ قالدى. بەس ساعاتقا سوزىلعان كەزدەسۋدىڭ ءتورتىنشى سەتىندە ەسەپ 2:2 بولىپ تۇرعان. شەشۋشى سەتتە نادال تاجىريبەسىنىڭ ارقاسىندا رەسەيلىك سپورتشىدان باسىم ءتۇستى. ەكى تەننيسشى بۇعان دەيىن ەكى رەت كەزدەسىپ, ەكەۋىندە دە ءنادالدىڭ مەرەيى ۇستەم بولدى.
الەمدىك رەيتينگتە ەكىنشى ورىندا تۇرعان 33 جاستاعى نادال US Open ءتۋرنيرىن وسىمەن ءتورتىنشى رەت جەڭىپ وتىر. سونداي-اق ول Roland Garros باسەكەسىندە 12 رەت, ۋيمبلدون جارىسىندا ەكى رەت جانە اۋستراليا اشىق چەمپيوناتىندا ءبىر رەت توپ جارعان.