كاسپي تەڭىزىنىڭ قازاقستاندىق شەكاراسىن كۇزەتەتىن كەمەلەر قاتارى جاڭا كەمەمەن تولىقتى. اقتاۋ قالاسىنداعى تەڭىز پورتىندا ۇقك شەكارا قىزمەتىنىڭ ەكيپاجىنا «نۇر-سۇلتان» كەمەسىن جانە كەمەنىڭ اسكەري-تەڭىز تۋىن تابىستاۋ ءراسىمى ءوتتى. سالتاناتتى شاراعا ۇلتتىق قاۋىپسىزدىك كوميتەتىنىڭ توراعاسى ك. ءماسىموۆ, ۇقك توراعاسىنىڭ ورىنباسارى – شەكارا قىزمەتىنىڭ ديرەكتورى جانە وڭىرلىك جاعالاۋ كۇزەتى, «باتىس» وڭىرلىك باسقارماسىنىڭ جەكە قۇرامى جانە ماڭعىستاۋ وبلىسىنىڭ اكىمى س.ترۇموۆ قاتىستى.
ۇلتتىق قاۋىپسىزدىك كوميتەتىنىڭ توراعاسى ك.ماسىموۆكە ۇقك شەكارا قىزمەتىنىڭ جاعالاۋ كۇزەتى وڭىرلىك باسقارماسىنىڭ باستىعى ءا.كايۋپوۆ اسكەري شەپتىڭ دايىندىعى جونىندە باياندادى. ك.ءماسىموۆ شەكارا قىزمەتى وڭىرلىك جاعالاۋ كۇزەتى باسقارماسىنىڭ شەكاراشىلارىن ۇلتتىق قاۋىپسىزدىكتى قامتاماسىز ەتۋدە ولاردىڭ ۇلەستەرىنىڭ زور ەكەندىگىن اتاپ ءوتتى.
شەكارا قىزمەتىنىڭ شەكاراشى جاۋىنگەرلەرى زاڭعا ساي تەڭىزدەگى ءتارتىپتى قاداعالاپ, مەملەكەت قاۋىپسىزدىگىنە قول سۇعىلماۋىن قامتاماسىز ەتىپ كەلەدى. ولاردى قيىن قىزمەتكە قاجەتتى زاماناۋي قۇرال-جابدىقتارمەن قامتۋ كۇن تارتىبىنەن تۇسكەن ەمەس.
«نۇر-سۇلتان» كەمەسى 206 بورتتىق ءنومىرلى جوبا, 2018 جىلى پرەزيدەنت جارلىعىمەن جاسالعان. زاماناۋي گيدرواكۋستيكالىق جۇيەمەن جابدىقتالعان كەمە تەك مەملەكەتتىك شەكارا – كاسپي تەڭىزىنىڭ ءۇستىن عانا ەمەس, سونىمەن قاتار مۇناي-گاز كەشەندەرىنىڭ قاۋىپسىزدىگىن دە سەنىمدى تۇردە قامتاماسىز ەتە الادى.
– ەل پرەزيدەنتى, قارۋلى كۇشتەردىڭ باس قولباسشىسى قاسىم-جومارت توقاەۆ ءوزىنىڭ 2 قىركۇيەكتەگى قازاقستان حالقىنا جولداۋىندا «وتانىنا ادال, كاسىبي تۇرعىدان دايىندالعان وفيتسەرلەرى مەن اسكەري قىزمەتشىلەرى بار ارميامىز جاڭا گەوساياسي جاعدايلاردا ەل قاۋىپسىزدىگىنە قاۋىپ توندىرەتىن قاتەرلەرگە تويتارىس بەرۋگە دايىن بولۋى كەرەك» دەپ ناقتى ايتقان بولاتىن. سونىمەن بىرگە اسكەري قىزمەتتىڭ بەدەلىن ارتتىرىپ, قارۋلى كۇشتەردىڭ ماتەريالدىق بازاسىن نىعايتۋ قاجەتتىگىن اتاپ ءوتتى. بۇگىنگى شارا سول يگى ىستەردىڭ باستاماسى بولىپ وتىر, – دەدى ايماق باسشىسى س.ترۇموۆ.
زاماناۋي جاسانىپ-جابدىقتالعان جاڭا كەمە – مەملەكەتتىك شەكارانى قورعاۋ ىسىنە قوسىلعان تىڭ دا جاڭا كۇش.
ماڭعىستاۋ وبلىسى