ەلىمىزدە 2020 جىلدان باستاپ مەديتسينالىق جوو تۇلەكتەرىن ايماقتارعا ءبولۋ اۆتوماتتاندىرىلادى. بۇل تۋرالى قر دەنساۋلىق مينيسترلىگىنىڭ ءباسپاسوز قىزمەتى حابارلادى.
«دەنساۋلىق ساقتاۋ مينيسترلىگى مەديتسينالىق ءبىلىم مەن عىلىمدى جاڭعىرتۋ بويىنشا اۋقىمدى جۇمىس جۇرگىزدى. ماسەلەن, 2019 جىلدان باستاپ مەديتسينالىق جوو ماگيستراتۋرا مەن باكالاۆريات باعدارلاماسىنا ءتۇسۋ ءتارتىبى بىردەي. مەملەكەتتىك تاپسىرىس بويىنشا دەنساۋلىق ساقتاۋ سالاسىنداعى ءبىلىم بەرۋ ۇيىمدارىنىڭ ماگيستراتۋراسىنا قابىلداۋ كەشەندى تەستىلەۋ ناتيجەلەرى بويىنشا كونكۋرستىق نەگىزدە جۇرگىزىلدى. سونداي-اق, بيىلدان باستاپ «دەنساۋلىق ساقتاۋ جانە الەۋمەتتىك قامتاماسىز ەتۋ (مەديتسينا)» بىلىم بەرۋ سالاسى بويىنشا مەديتسينالىق جوو دوكتورانتۋراعا تۇسۋشىلەر ءبىلىم بەرۋ ۇيىمىنا 1 اقپان مەن 31 مامىر ارالىعىندا قابىلداۋ ەمتيحاندارىنىڭ باستالۋىنا دەيىن وتكىزىلگەن الدىن الا ىرىكتەۋ ناتيجەلەرىن ۇسىندى. بۇل كوپ ءوتىنىشتىڭ ىشىنەن عىلىمي جانە پراكتيكالىق پوتەنتسيالى بار جۇمىستى تاڭداپ الۋعا مۇمكىندىك بەردى», - دەلىنگەن حابارلامادا.سونىمەن قاتار, بۇگىندە مەديتسينالىق ماماندىق بويىنشا ءبىلىم العان تۇلەكتەردىڭ مىندەتتى تاۋەلسىز باعاسى زاڭ جۇزىندە بەكىتىلگەن. ياعني, ەندى مەديتسينالىق جوو تەك مەديتسينالىق ءبىلىم بەرۋمەن اينالىساتىن بولادى, ال تەستىلەۋ تاۋەلسىز ۇيىمدا وتەدى. ءبىلىم مەن داعدىلاردى باعالاۋ ناتيجەلەرى بويىنشا ءبىلىم الۋشىلارعا ديپلوم جانە مامان سەرتيفيكاتى بەرىلەدى. سونىمەن قاتار, بيىلدان باستاپ تۇلەكتەر ايماقتارعا دەنساۋلىق ساقتاۋ مينيسترلىگى جانىنداعى ازاماتتاردى ءبولۋ جونىندەگى رەسپۋبليكالىق كوميسسيا دەڭگەيىندە جارتىلاي اۆتوماتتى رەجيمدە بولىنەدى. بۇل اۋىل مەن قالا اراسىنداعى كادر تەڭسىزدىگىن تومەندەتەدى جانە جاس مامانداردى تارتۋ مەن جۇمىسقا ورنالاستىرۋدا اكىمدىكتەردىڭ جاۋاپكەرشىلىگىنە جۇكتەيدى. «مينيسترلىك 2020 جىلدان باستاپ بۇل فۋنكتسيانى تولىعىمەن اۆتوماتتاندىرۋدى جانە تسيفرلاندىرۋدى جوسپارلاپ وتىر. بۇل 2030 جىلعا دەيىنگى ناقتى قاجەتتىلىك بويىنشا كادر دايىنداۋ مەن جۇمىسقا ورنالاستىرۋدى ءتيىمدى جوسپارلاۋعا كومەكتەسەدى. بيىل دۇنيەجۇزىلىك مەديتسينالىق ءبىلىم فەدەراتسياسى (ۆفمو - WFME World Federation for Medical Education) باسقاراتىن ەۋروپاداعى مەديتسينالىق بىلىم بەرۋ بويىنشا تاقىرىپتىق جەلىگە (Thematic Network on Medical Education in Europe-MEDINE) نەگىزدەلگەن حالىقارالىق جۇمىس توبى ۇسىنعان حالىقارالىق ستاندارتتارعا سايكەس مينيسترلىك رەزيدەنتۋرانىڭ بارلىق ماماندىقتارى بويىنشا تۇلەكتەردىڭ تيپتىك وقۋ جوسپارلارى مەن قۇزىرەتتەرىن قايتا قارادى. «وتباسىلىق مەديتسيناسى»; دەگەن جاڭا ماماندىق بويىنشا رەزيدەنتۋرادا كادر دايارلاۋ باستالدى. مىندەتتى الەۋمەتتىك مەديتسينالىق ساقتاندىرۋ ەنگىزىلگەننەن كەيىن العاشقى مەديتسينالىق-سانيتارلىق كومەكتى وتباسىلىق دارىگەر كورسەتەتىن بولادى. ول بىرنەشە مامانداردىڭ ورىن باسۋ كەرەك. بۇل ماماندىقتى ەنگىزۋ كەز كەلگەن جاستاعى جانە كەز كەلگەن پاتسيەنتكە جەدەل جانە ساپالى مەديتسينالىق كومەك كورسەتۋگە مۇمكىندىك بەرەدى. سونىمەن قاتار «جەدەل شۇعىل مەديتسينالىق كومەك» ماماندىعى ەنگىزىلەدى. شۇعىل كومەك دارىگەرى كوپ بەيىندى ستاتسيوناردىڭ قابىلداۋ بولىمشەسىندە جۇمىس ىستەيتىن بولادى», دەلىنگەن.بيىل ۇكىمەت قاۋلىسىمەن جوعارى وقۋ ورىندارىنا قاتىستى بىرقاتار مەديتسينالىق جوو زەرتتەۋ مارتەبەسى بەرىلدى. ولار: "س.د. اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتى", "قاراعاندى مەدۋنيۆەرسيتەتى" اق. مارتەبە مەديتسينالىق جانە فارماتسەۆتيكالىق عىلىمدى دامىتۋعا; يننوۆاتسيالار مەن قازىرگى زامانعى زەرتتەۋ ورتالىعى رەتىندە جوعارى وقۋ ورىندارىنىڭ جەكە مارتەبەسىن ارتتىرۋعا; عىلىمعا نەگىزدەلگەن پراكتيكا ءۇشىن ءتيىمدى جاعدايلار جاساۋعا, جاستاردى زەرتتەۋ قىزمەتىنە تارتۋعا ىقپال ەتەدى.ناتيجەسىندە مەديتسينالىق قىزمەتكەرلەردى دايىنداۋ ساپاسىن ايتارلىقتاي ارتتىرۋعا, عىلىمعا نەگىزدەلگەن, يننوۆاتسيالىق تەحنولوگيالاردى دەنساۋلىق ساقتاۋ سالاسىنا پراكتيكا جۇزىندە ەنگىزۋگە جانە تيىسىنشە حالىققا كورسەتىلەتىن مەديتسينالىق قىزمەتتەردىڭ ساپاسىن ارتتىرۋعا مۇمكىندىك بەرەدى. جوعارى وقۋ ورىندارىنىڭ, عزي, ۇو عىلىمي پوتەنتسيالىن ارتتىرۋ ءۇشىن ستراتەگيالىق جوسپارلارعا ءبىرىنشى باسشىلاردىڭ KPI عىلىم بويىنشا ينديكاتورى, قىزمەتكەرلەردىڭ اعىلشىن ءتىلىن مەڭگەرۋى كىرەدى. جەتەكشى شەتەلدىك ورتالىقتارمەن ستراتەگيالىق ارىپتەستىك تاجىريبەسى ەنگىزىلدى.مەديتسينالىق جوو ۋنيۆەرسيتەتتىك كلينيكالاردىڭ جانە ينتەگراتسيالانعان اكادەميالىق مەديتسينالىق ورتالىقتاردىڭ بولۋىۋنيۆەرسيتەت كلينيكالارى رەتىندە مەديتسينالىق جوو ۇلكەن كوپسالالى كلينيكالاردىڭ بەرىلۋى زاڭمەن بەكىتىلگەن. ۋنيۆەرسيتەت كلينيكاسىنىڭ مارتەبەسى مەديتسينالىق جوعارى وقۋ ورىندارىنىڭ قازىرگى كلينيكالىق بازالارى قىزمەتىنىڭ فورماتىن وزگەرتۋگە, عىلىم مەن تاجىريبەنىڭ ءۇش بىرلەستىگىن قامتاماسىز ەتۋ نەگىزىندە ولاردىڭ قىزمەتىن قۇرۋعا, دەنساۋلىق ساقتاۋ كادرلارىن كلينيكالىق دايارلاۋدىڭ ساپاسىن قامتاماسىز ەتۋگە مۇمكىندىك بەرەدى. قازىر م. وسپانوۆ اتىنداعى باتىس قازاقستان مەملەكەتتىك مەديتسينالىق ۋنيۆەرسيتەتى, سەمەي قالاسىنىڭ مەملەكەتتىك مەديتسينا ۋنيۆەرسيتەتى, ۇلتتىق مەديتسينا ۋنيۆەرسيتەتىندە كلينيكا بار.بۇدان باسقا, جوعارى وقۋ ورنى ىشىندەگى ساياساتتىڭ نەگىزگى باعىتتارى (اكادەميالىق ادالدىق, اشىقتىق, سىبايلاس جەمقورلىققا قارسى ءىس-قيمىل) ايقىندالدى. مەديتسينالىق جوو سىبايلاس جەمقورلىققا قارسى ءىس-قيمىل, سىبايلاس جەمقورلىققا قارسى ءىس-قيمىل سالاسىنداعى قىزمەتتى كۇشەيتۋ بويىنشا ءىس-شارالار جوسپارىن ازىرلەدى, جوعارى وقۋ ورنى ىشىندەگى ساياساتتىڭ نەگىزگى باعىتتارىن (اكادەميالىق ادالدىق, اشىقتىق جانە سىبايلاس جەمقورلىققا قارسى ءىس-قيمىل) ءتۇسىندى. سىبايلاس جەمقورلىق فاكتىلەرىن انىقتاۋ ماقساتىندا ستۋدەنتتەر اراسىندا جاسىرىن ساۋالناما جۇرگىزىلەدى.سونىمەن قاتار, ستۋدەنتتەرمەن جۇيەلى تۇردە سىبايلاس جەمقورلىقتىڭ كەز كەلگەن كورىنىستەرىنە قارسى بولۋدى قالىپتاستىرۋ بويىنشا تاربيەلىك ساعاتتار وتكىزىلەدى. ۋنيۆەرسيتەت ستۋدەنتتەرى «سەنىم جاشىكتەرى» تۋرالى جاقسى بىلەدى, وندا ولار سىبايلاس جەمقورلىق بويىنشا زاڭ بۇزۋشىلىق فاكتىلەرى تۋرالى مالىمەت قالدىرا الادى. سونداي-اق, ۋنيۆەرسيتەت حوللىندا سىبايلاس جەمقورلىققا قارسى ءىس-قيمىل اگەنتتىگى دەپارتامەنتىنىڭ وكىلى ستۋدەنتتىك ومبۋدسمەن تۋرالى اقپارات ورنالاستىرىلعان.