جەدەل-ىزدەستىرۋ ءىس-شاراسى بارىسىندا ماڭعىستاۋ وبلىسى پوليتسيا دەپارتامەنتىنىڭ ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى 5 قىركۇيەك كۇنى شامامەن ساعات 13:30-دا بۇرىن سوتتالعان اتامەكەن اۋىلىنىڭ ەكى تۇرعىنىن قۇرىقتادى. بۇل تۋرالى ماڭعىستاۋ وبلىسى پوليتسيا دەپارتامەنتى ءباسپاسوز قىزمەتى حابارلادى.
ايەلدەر تۇراتىن ءۇيدى ءتىنتۋ بارىسىندا جازعى كۇركەنىڭ جانىنداعى ۋچاسكەدە جەر استىنان جاسىرىن ورىن تابىلدى. قىزمەتتىك چاك اتتى ءيتتىڭ كومەگىمەن جاسىرىن جەردە جەتى ۇلكەن قاپ جالپى سالماعى 88 كەلىنى قۇرايتىن ماريحۋانا تابىلدى.
اتالعان ءىس بويىنشا قر قىلمىستىق كودەكسىنىڭ 297-بابىنىڭ 2-بولىگى (ەسىرتكى زاتتاردى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, وڭدەۋ, يەمدەنىپ الۋ, ساقتاۋ, تاسىمالداۋ, جونەلتۋ نەمەسە ساتۋ) بويىنشا سوتقا دەيىنگى تەرگەۋ جۇرگىزىلۋدە.
ماڭعىستاۋ وبلىسى