جاستار – بولاشاق ەنەرگياسى

مۇناي-گاز سالاسى – ۇلتتىق ەكونومي­كانىڭ نەگىزگى قوزعاۋشى كۇشى. بۇل باعىتتا اتقارىلعان شارۋا از ەمەس. ساراپشىلار قازاق­ستاندى ەۋرازيا كەڭىستىگىندەگى گاز تاسىمالىنىڭ حابى دەپ بەكەر باعالاماسا كەرەك. ماسەلەن, سوڭعى بەس جىل ىشىندە ەلىمىزدىڭ 3 ملن-نان استام تۇرعىنى كوگىلدىر وتىنعا قوسىلدى. جاڭا ماگيسترالدى گاز قۇبىرلارى سالىنىپ, شيكىزات ەكسپورتىنان مەملەكەت بيۋدجەتىنە ميللياردتاعان قارجى ءتۇسىپ جاتىر دەيدى كومپانيا وكىلدەرى. اعا بۋىنمەن يىق تىرەسىپ, تۇرعىنداردى كوگىلدىر وتىنمەن قامتۋدا جاستار دا جەمىستى ەڭبەك ەتىپ كەلەدى. قازىرگى تاڭدا «قازترانسگاز» كومپانيالار توبىنداعى جاس قىزمەتكەرلەردىڭ ۇلەسى – 30%.

«ينتەرگاز ورتالىق ازيا» كومپانيا­سىنىڭ باس ديرەكتورى ۆالەنتين حۆان­ بۇل سالانى تاباندى مىنەزگە يە, ەڭبەك­سۇيگىش جانە كاسىبىنە ادال جاندار عانا تاڭ­دايتىنىن ايتىپ, جاستار اعا بۋىننىڭ تابىستى جولىن ەسەلەيتىنىنە سەنىم ءبىلدىردى.

– بارشاعا ءمالىم, بيىلعى جىل جاستار جىلى دەپ جاريالاندى. بۇگىندە جاس ماماندار – گاز سالاسىنداعى ەڭبەك رەسۋرسىنىڭ اجىراماس ماڭىزدى بولىگى. وسىنى ەسكەرىپ, جاس كادرلاردى قولداۋ بويىنشا بارلىق جاعدايدى قاراستىرىپ كەلەمىز. بۇعان وسى جاستار سلەتى دالەل. اتالعان باسقوسۋ مازمۇندى پىكىر­لەر, قىزىقتى كەزدەسۋلەر جانە پەرسپەكتيۆالىق يدەيالاردى دامىتۋعا قاتىستى باستامالارمەن ەستە قالادى دەگەن سەنىمدەمىن. قولعا الىنعان شارامىز قازاق­ستانداعى مۇناي-گاز سالاسى ماماندارىنىڭ كاسى­بي مەرەكەسى مەن وتاندىق مۇناي ءوندى­رىسىنىڭ 120 جىلدىعى اياسىندا ءوتىپ جاتىر. بارلىق ارىپ­تەسىمدى شىن جۇرەكتەن قۇت­تىقتايمىن. مۇناي-گاز سالا­سىنىڭ ارداگەرلەرىنە باس ءيىپ, قۇرمەت بىلدىرەمىن. سلەت قا­تىسۋشىلارىنا جۇمىستارى تابىستى بولسىن دەپ تىلەيمىن! يگى ءداستۇردى جالعاستىرىپ, وزىق تاجىريبەنى جانە بۇگىنگى ەنەرگيانى بولاشاق ءۇشىن ءتيىمدى پايدالاناسىزدار دەگەن ءۇمىتىم باسىم, – دەدى ۆ.حۆان.

200-گە جۋىق جاس ماماننىڭ باسى قوسىلعان قۇرىلتايدا مۇ­ناي-گاز سا­لاسىنىڭ كانى­گى شەبەر­لەرى, سونداي-اق كومپانيا­نىڭ توپ-مەنەدجەرلەرى كاسىبي بىلىكتىلىكتەرىمەن ءبولىسىپ, ەڭبەك ونىمدىلىگىن ارتتىرۋدىڭ ۇتىمدى جولدارىن كورسەتتى.

ءالىمجان بالمۇحانوۆ وسى سالاعا 25 جاسىندا كەلىپتى. جاس مامان تاباندىلىعى مەن ال­عىر­لىعى ارقاسىندا از ۋاقىتتا قاتار­داعى قىزمەتكەردەن باس­شى­لىق لاۋازىمىنا دەيىن كوتەرىلدى. قازىر ول اك­تسيونەرلىك قوعامنىڭ ورالداعى جەلىلىك-وندىرىستىك بولىمشەسىنىڭ باسشىسى. دەسەك تە ونى قىزمەتتىك مان­ساپتان بۇرىن بۇ­دان دا بيىك مۇرات جەتەلەگەن. باتىس قازاق­ستاننىڭ تۋماسى كۇللى ەلىمىزدى ورتا­لىقتاندىرىلعان گازعا قوسىپ, حالىق كوگىل­دىر وتىننان تار­شىلىق كورمەسە ەكەن دەيدى.

– باسشىلىق تاراپىنان جاس­تارعا كاسىبي تۇرعىدا ءوسۋ ءۇشىن جان-جاقتى جاع­داي قاراستى­رىل­­عان. ءوزىم جەتەكشىلىك ەتە­تىن ورال­داعى جەلىلىك-وندىرىستىك بولىم­شە­سىندە 214 قىزمەتكەر بولسا, سونىڭ 30%-ى­ جاستار. تاجى­­­ريبە الماسۋ ماقساتىندا شەتەل­دىك كومپانيالارمەن دە ارىپتەستىك بايلانىس جولعا قو­يىلعان. ولاردىڭ قاتارىندا رەسەيلىك جانە قىتايلىق مۇناي-گاز ۇيىمدارى بار. «قازترانسگاز» كومپانيالار توبىنداعى 3 مىڭ­نان اسا جاس قىزمەتكەردىڭ اتىنان جانە جەكە ءوز اتىمنان جاستارعا قول­داۋ كورسەتىپ, قىز­مەتتە ءوسىپ-ونۋگە مۇمكىندىك بەرگەن باسشىلا­رىمىزعا العىس ايتامىز, – دەدى ءا.بالمۇحانوۆ

فورۋمنىڭ باعدارلاماسىنا سايكەس پانەلدىك وتىرىستار, شەبەرلىك ساعات­تارى, ينتەراكتيۆتى ويىندار, سول سەكىلدى تيمبيل­دينگ ۇيىمداستىرىلدى. اسىرە­سە شەبەرلىك ساعاتى قاتىسۋ­شىلاردىڭ كوڭى­لىنەن شىققانى بايقالدى. سەبەبى وسى جيىن­عا وراي ايگىلى بيزنەس-جاتتىقتى­رۋشى, ادامي رەسۋرستى ءتيىمدى دامىتۋدىڭ مامانى اندرەي لەۆچەنكو ارنايى شاقىرىلدى. تانىمال مەنتور human resources باعىتىنداعى وزەكتى ماسەلەلەردى قاۋزاپ, قىزمەتتە ىلگەرىلەۋدىڭ وڭتايلى جولدارىن ۇسىندى.

ال «گالستۋكسىز كوشباسشى» پانەل­دىك سەسسياسىندا جاس ماماندار جەتەكشى مەنەدجەرلەرمەن ەمىن-ەركىن پىكىر الماسۋعا مۇمكىندىك الدى. بۇدان بولەك «يننوۆاتسيالار مەن ستارتاپتار» سەسسياسى شەڭبەرىندە قاتى­سۋ­شىلار وزىق ۇلگىدەگى 9 اۆتورلىق جوبانى ۇسىندى. ولار­دىڭ ۇزدىك­تەرىن ارنايى كوميسسيا انىقتايدى. جەڭىمپازداردىڭ جۇمىسى «قازترانسگاز» كومپا­نياسىنىڭ عىلىمي-تەحنيكالىق كەڭەسىنە ۇسىنىلىپ, وندىرىسكە ەنگىزىلەدى دەپ جوسپارلانۋدا.