وسكەمەن ايماعى مەشىتتەرى 1000 وقۋشىنى مەكتەپكە دايارلادى

مەشىتتەر تەك ءدىني قۇلشىلىق ورداسى عانا ەمەس, قوعامداعى ءارتۇرلى قايىرىمدىلىق شارالارىنا ۇيتقى بولاتىن شىن ماعىناسىنداعى حالىققا جاقىن رۋحاني ورتالىقتارعا اينالىپ كەلەدى.

 قمدب وسكەمەن ايماعى وكىلدىگى الەۋمەتتىك از قامتىلعان وتباسىلاردى قولداۋ ماقساتىندا ءداستۇرلى «مەكتەپكە - جول» اكتسياسىن جاريالاعان بولاتىن. باستاما كەڭىنەن قولداۋ تاۋىپ, ءوڭىر بويىنشا اۋداندىق جانە اۋىلدىق مەشىتتەردە كوپبالالى وتباسىلاردىڭ بالالارىنا وقۋ-قۇرالىن تابىس ەتۋ ءىس-شارالارى سالتاناتتى جاعدايدا ۇيىمداستىرىلدى. اكتسيا بارىسىندا 1000 بالاعا وقۋعا قاجەتتى قۇرال-جابدىقتار ۇلەستىرىلدى. «مۇقتاج جاندارعا كومەك قولىن سوزۋ - ادامگەرشىلىك پارىز. ءبىز ءبىر-بىرىمىزگە قايىرىمدىلىق جاساي بىلسەك قوعامدا ىزگىلىك ورنايدى. «مەكتەپكە - جول» اكتسياسىن جىل سايىن جاساپ كەلەمىز. بۇل يگى ءىس ءوڭىردىڭ اۋداندارىندا جانە اۋىلداردا كەڭ ءورىس الىپ, بيىل 1000 وقۋشىنى مەكتەپكە دايارلادىق. بۇل يگى ىسكە ءدىني قىزمەتكەرلەر ىقىلاسپەن اتسالىستى» دەيدى شىعىس قازاقستان وبلىستىق «حاليفا التاي» مەشىتىنىڭ ءبىرىنشى نايب يمامى داۋلەت تىلەۋحان ۇلى.

شىعىس قازاقستان وبلىسى