بۇل تۋرالى وڭىرلىك كوممۋنيكاتسيالار قىزمەتى الاڭىندا وتكەن بريفينگتە ماڭعىستاۋ وبلىستىق ءبىلىم باسقارماسى باسشىسىنىڭ ورىنباسارى نۇرلىبەك قويجانوۆ ايتتى.
تاتارستان رەسپۋبليكاسىنىڭ استاناسى قازاندا وتكەن چەمپيوناتقا الەمنىڭ 63 ەلىنەن, 1354 قاتىسۋشى جينالدى. ولاردىڭ ىشىندە 34 قازاقستاندىق بار. ولار قىزمەت كورسەتۋ سالاسى, كولىك جانە لوگيستيكا, شىعارماشىلىق جانە ديزاين, ءوندىرىس جانە ينجەنەرلىك تەحنولوگيالار, قۇرىلىس جانە قۇرىلىس تەحنولوگيالارى, اقپاراتتىق جانە كوممۋنيكاتسيالىق تەحنولوگيالار سياقتى التى باعىتتاعى ماماندىق, 56 قۇزىرەتتىلىك بويىنشا باسەكەگە ءتۇستى.
قازاقستاننان بارعان 34 قاتىسۋشىنىڭ ۇشەۋى - ماڭعىستاۋلىقتار. ولار ماڭعىستاۋ تۋريزم كوللەدجىنىڭ ستۋدەنتتەرى: «نان ءپىسىرۋ شەبەرى» قۇزىرەتتىلىگى بويىنشا مارقاباەۆا اسەم, «كونديتەر ءىسى» بويىنشا كابيەۆا كاميلا, «قوناقۇي اكىمشىلىگى» بويىنشا سانايلوۆا سەرۆانا باقتارىن سىنادى.
سونىمەن قاتار چەمپيونات اياسىندا جاس كəسىبي شەبەرلەر اراسىندا وتكەن «Juniorskills Kazan 2019» چەمپيوناتىنا دا ماڭعىستاۋ وبلىسىنان 2 قاتىسۋشى قاتىستى. ولار «مەيرامحانا ءىسى» قۇزىرەتتىلىگى بويىنشا ماڭعىستاۋ تۋريزم كوللەدجىنىڭ ستۋدەنتى ۋنايباەۆ رەنات جانە «مايلاۋ جəنە بەزەندىرۋ جۇمىستارى» قۇزىرەتتىلىگى بويىنشا جاڭاوزەن قىزمەت كورسەتۋ جəنە جاڭا تەحنولوگيالار كوللەدجىنىڭ ستۋدەنتى تۇرار ەرداۋلەت 2 ورىن «كۇمىس مەدال» يەگەرى اتاندى. ال قازاقستان 63 ەلدىڭ ىشىندە جالپىكوماندالىق ەسەپتە 14- ورىندى يەلەندى.
«ماڭعىستاۋ وبلىسىنىڭ كوللەدجدەرى Worldskills حالىقارالىق ستاندارتتارىن جۇزەگە اسىرۋ بويىنشا رەسەي فەدەراتسياسىنىڭ ايماقارالىق قۇزىرەتتىلىك ورتالىقتارىمەن كەلىسىم-شارت جاساپ, ىنتىمىقتاستىقتا جۇمىس جاساۋ مۇمكىندىگىن الدى. ەندى كورەيا, قىتاي, فينليانديا, فرانتسيا, يرلانديا ت.ب. مەملەكەتتەردىڭ تاجىريبەسىن تىڭداپ, كاسىبي بايلانىستى دامىتۋ جولدارى قاراستىرىلۋدا» دەيدى ماماندار
بۇل چەمپيونات جاستارعا وزدەرىنىڭ شەبەرلىكتەرىن كاسىبي دەڭگەيدە كورسەتىپ, ءبىلىمى مەن بىلىكتىلىگى ارقىلى بولاشاقتا ماماندىق تاڭداۋلارىنا دا ۇلكەن مۇمكىندىك بولماق. ايتا كەتەيىك كەلەسى چەمپيونات 2021 جىلى شانحاي قالاسىندا وتپەك.
ماڭعىستاۋ وبلىسى