سارسەنبى كۇنى وبلىس اكىمى وڭداسىن ءورازاليننىڭ توراعالىعىمەن «BİLİM JANE ǴYLYM» تاقىرىبىندا ءوڭىر پەداگوگتارىنىڭ ءداستۇرلى تامىز كەڭەسى ءوتتى.
ايماق باسشىسى الدىمەن ء«بىلىم بەرۋ مازمۇنىن جاڭارتۋ بويىنشا يننوۆاتسيالىق الاڭ» تاقىرىبىندا ۇيىمداستىرىلعان ءبىلىم كورمەسىن تاماشالادى. كورمەدە نۇر-سۇلتان, الماتى قالالارىنىڭ «وقۋلىق» رەسپۋبليكالىق عىلىمي-پراكتيكالىق, «الماتى كىتاپ», «اتامۇرا» باسپالارىنىڭ, «Platonus» جشس, «كازينتەرسەرۆيس» جشس جانە جانە «BilimLand» ءبىلىم بەرۋ ورتالىقتارىنىڭ اقپاراتتىق-كوممۋنيكاتيۆتىك تەحنولوگيالارى ۇسىنىلدى.
اۋقىمدى جيىنعا قر ءبىلىم جانە عىلىم مينيسترلىگىنىڭ وكىلى ى.التىنسارين اتىنداعى ۇلتتىق ءبىلىم اكادەمياسىنىڭ پرەزيدەنتى جانبول جيلباەۆ, نۇر وتان» پارتياسى اقتوبە وبلىستىق فيليالى توراعاسىنىڭ ورىنباسارى, وبلىستىق باسقارمالار مەن اۋداندىق, قالالىق ءبىلىم بولىمدەرىنىڭ باسشىلارى, اۋدان, قالا اكىمدەرى مەن اكىمدەردىڭ ورىنباسارلارى, دەپۋتاتتار, وبلىستىق, قالالىق جانە اۋداندىق ءماسليحاتتاردىڭ حاتشىلارى, كاسىپوداق ۇيىمدارىنىڭ توراعالارى, ۇكىمەتتىك ەمەس ۇيىمداردىڭ وكىلدەرى, جوعارى وقۋ ورىندارىنىڭ رەكتورلارى قاتىستى.
جانبول جيلباەۆ ءبىلىم جانە عىلىم مينيسترلىگى تاراپىنان اتقارىلىپ جاتقان جۇمىستارعا شولۋ جاسادى. سونداي-اق, قر ءبىلىم جانە عىلىم مينيسترلىگى تاراپىنان 2 ارداگەر ۇستاز «ەڭبەك ارداگەرى», 8 پەداگوگ «ىبىراي التىنسارين» جانە 8 ۇستاز ء«بىلىم بەرۋ ءىسىنىڭ قۇرمەتتى قىزمەتكەرى» توسبەلگىلەرىمەن ماراپاتتالدى.
پلەنارلىق وتىرىستا اقتوبە وبلىسى ءبىلىم باسقارماسىنىڭ باسشىسى ءلاززات ورازباەۆا وقۋ جىلىنىڭ قورىتىندىسى مەن جاڭا وقۋ جىلىنىڭ ماقسات-مىندەتتەرى تۋرالى باياندادى.
باسقارما باسشىسى ءوز سوزىندە جاڭا وقۋ جىلىنداعى باستى جاڭالىقتار «پەداگوگ مارتەبەسى تۋرالى» زاڭ قابىلدانىپ, 2025 جىلعا دەيىنگى ءبىلىم مەن عىلىمنىڭ جاڭا مەملەكەتتىك باعدارلاماسى بەكىتىلەتىندىگىن ايتىپ ءوتتى.سونداي-اق, وبلىس ۇستازدارىنىڭ جالاقىسى 2024 جىلعا دەيىن 166 مىڭ تەڭگەگە دەيىن جوعارىلايتىندىعىن جەتكىزدى.
جيىن بارىسىندا قازاق سپورت جانە تۋريزم اكادەمياسىنىڭ گرانت يەگەرى, «ايالا» ورتالىعىنىڭ تاربيەلەنۋشىسى ا.تكاچۋك, جانە وبلىس اكىمىنىڭ گرانتىن يەلەنگەن وقۋشىنىڭ اتا-اناسى گۇلزينا ۋتەباەۆا وبلىس باسشىسى وڭداسىن ورازالينگە العىستارىن ءبىلدىردى.
جيىندى قورىتىندىلاعىن وبلىس باسشىسى ۇستازدارعا العىسىن ءبىلدىرىپ, باسقارما باسشىسىنا الداعى ۋاقىتتا ءبىلى سالاداعى تۇيىتكىلدى ماسەلەلەردىڭ شەشىمىن تابۋدى جۇكتەدى.
«پەداگوگتار قاۋىمىنىڭ كاسىبي بىلىكتىلىگىن ۇنەمى دامىتۋ كەرەكتىگى بۇگىنگى كۇننىڭ وزەكتى ماسەلەسى. ۇستازدارعا جۇكتەلەتىن جاۋاپكەرشىلىك تە زور, تالاپ تا ءاردايىم جوعارى. وقۋشىلارعا ءتيىستى دارەجەدە ءبىلىم بەرۋ, ىزدەنىمپازدىق, وزىنە تالاپ قويۋشىلىق – پەداگوگتىڭ ەڭ باستى ۇستانىمى بولۋى ءتيىس. بالانىڭ تاربيەلى بولىپ جەتىلۋى – مۇعالىمىنىڭ ءوز ىسىنە دەگەن ادالدىعىنا تىكەلەي قاتىستى بولماق»-دەدى وڭداسىن ورازالين. وبلىس اكىمى 21 پەداگوگ مامانعا 100 مىڭ تەڭگە كولەمىندەگى سىياقى جانە العىس حات, سونداي-اق, «ورتا ءبىلىم بەرەتىن ۇزدىك ۇيىم» گرانتىن بەرۋگە ارنالعان كونكۋرستىڭ جەڭىمپازدارىنا 3 ملن 758 مىڭ تەڭگە مەن 8 ملن تەڭگە ارالىعىنداعى سەرتيفيكاتتى تابىس ەتتى.