ۆيتسە-پرەمەر بەردىبەك ساپارباەۆ پەن ەلوردا اكىمى التاي كولگىنوۆ ەلباسىنىڭ تاپسىرماسى بويىنشا قالادا سالىنىپ جاتقان جاڭا ونكولوگيالىق ورتالىقتىڭ قۇرىلىسىمەن تانىستى, دەپ حابارلايدى نۇر-سۇلتان قالاسى اكىمدىگى.
«قر تۇڭعىش پرەزيدەنتى نۇرسۇلتان نازارباەۆ كارديولوگيالىق جانە نەيروحيرۋرگيالىق كلاستەرلەردىڭ تاجىريبەسىن پايدالانۋدى تاپسىرعان بولاتىن. جوباعا سايكەس مەديتسينالىق مەكەمە 6 قاباتتان تۇرادى. وندا ونكولوگيالىق اۋرۋلاردى دياگنوستيكالاۋ جانە ەمدەۋ ءۇشىن وزىق تەحنولوگيالار پايدالانىلاتىن بولادى», - دەلىنگەن نۇر-سۇلتان قالاسى اكىمدىگىنىڭ اقپاراتىندا.
سونداي-اق ب. ساپارباەۆ پەن ا. كولگىنوۆ ەلوردالىق №87 مەكتەپتىڭ وقۋ جىلىنا دايىندىعىمەن تانىسىپ, ازيا ەلدەرى جازۋشىلارىنىڭ ءى حالىقارالىق فورۋمىنىڭ اشىلۋىندا جازۋشىلاردىڭ اتى بەرىلەتىن اللەياعا باردى.