تۇركىستان وبلىسىنىڭ اكىمى ومىرزاق شوكەەۆ پەن نۇل-سۇلتان قالاسىنىڭ اكىمى التاي كولگىنوۆ ەلوردادا تۇركىستاندىقتار وتكىزىپ جاتقان اۋىلشارۋاشىلىق جارمەڭكەسىن ارالاپ قايتتى, دەپ حابارلايدى قازاقپارات ءتىلشىسى.
«حان شاتىر» ساۋدا, ويىن-ساۋىق ورتالىعىنا جاقىن ماڭدا ۇيىمداستىرىلعان جارمەڭكەنىڭ بارلىق قاتارىن اكىمدەر تولىق ارالاپ شىقتى. ءار ساۋدا ورنىنداعى باعالاردى سۇرادى. شارۋالارمەن اڭگىمەلەسىپ, سوڭىندا ورداباسى, جەتىساي اۋداندارى ونەرپازدارىنىڭ كونتسەرتىن تاماشالادى.
ايتا كەتسەك, ءدال قازىر نۇر-سۇلتاندا تۇركىستان ءوڭىرى شارۋالارىنىڭ جارمەڭكەسى ءوتىپ جاتىر. تۇركىستان وبلىستىق اۋىل شارۋاشىلىعى باسقارماسىنىڭ باسشىسى نۇربەك بادىراقوۆتىڭ ايتۋىنشا, بارلىعى 275 توننا ءونىم اكەلىندى.
«بۇل جەردە شارۋا تىكەلەي ساتىپ الۋشىمەن جۇمىس جۇرگىزەدى. ياعني, ورتادا ەشقانداي الىپساتار جوق. ورتادا الىپساتارلار بولماعاندىقتان, باعا ارزان ءارى ءبىزدىڭ شارۋالار دا قايدا وتكىزەمىن باسىن قاتىرمايدى. تىكەلەي جارمەڭكەگە كەلىپ, ءونىمىن ساتا الادى. نۇر-سۇلتان قالاسىنىڭ تۇرعىندارىنىڭ تۇركىستاندىق ونىمدەرگە سۇرانىسى جوعارى. جارمەڭكەنىڭ وتەتىنى جايلى الدىن الا ەلوردالىقتارعا حابارلايمىز. سونىڭ ناتيجەسىندە ونىمدەرىمىز 90-95 پايىزدىق دەڭگەيدە ءوتىپ كەتىپ جاتىر», - دەيدى نۇربەك بادىراقوۆ.