وبلىس ورتالىعىنداعى «بەرەكە» ىقشاماۋدانىندا 600 ورىندىق قازاق مەكتەبى پايدالانۋعا بەرىلدى.
سوڭعى 12 جىلدا پەتروپاۆل قالاسىندا بىردە-ءبىر ءبىلىم ءۇيى تۇرعىزىلماعان ەكەن. بۇل –التىنشى قازاق مەكتەبى. ونىڭ اشىلۋ راسىمىنە ايماق باسشىسى قۇمار اقسقالوۆ قاتىسىپ, قۇرىلىس جۇمىستارى مەن ماتەريالدىق-تەحنيكالىق جابدىقتالۋىنا 1,5 ميلليراد تەڭگە جۇمسالعان ءۇش قاباتتى نىساننىڭ جايىمەن تانىستى.
مەكتەپ ديرەكتورى ساۋلە تۇرسىنوۆا 34 كابينەتتىڭ 24-نە ينتەراكتيۆتى تاقتا مەن لەد-ەكران قويىلعانىن, 130 ورىندى اسحانا, اكت, ۇلكەن, كىشى سپورت زالدارىى, ليفت جۇمىس ىستەيتىنىن جەتكىزدى. 70 ادام جۇمىسپەن قامتاماسىز ەتىلگەن, ولاردىڭ 45-ى–مۇعالىمدەر.
«سەرپىن» باعدارلاماسى ارقىلى م. قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىندە قازاق ءتىلى مەن ادەبيەتى پاندەرى مامندىعىن الىپ شىققان ەدىم. وسىندا جۇمىسقا ورنالاستىم», دەيدى قىزىلوردا وبلىسىنىڭ قازالى اۋدانىنان كەلگەن ادىلبەك امانتاي.
«جاس وركەن» شاعىن اۋدانىندا سالىنىپ جاتقان تاعى ءبىر 900 وقۋشىعا لايىقتالعان قازاق مەكتەبى بيىل ىسكە قوسىلاتىن بولادى.
سولتۇستىك قازاقستان وبلىسى.