ءۇشىنشى مارتە ءوتىپ وتىرعان ايماقتىق سەمينار جۇمىسىنا باتىس قازاقستان وبلىسىنىڭ اكىمى عالي ەسقاليەۆ, «Kazakh Invest» ۇك اق توراعاسىنىڭ ورىنباسارى ءبىرجان قانەشەۆ, باتىس قازاقستان, ماڭعىستاۋ, اقتوبە جانە اتىراۋ وبلىستارىنىڭ وڭىرلىك وكىلدەرى, مەملەكەتتىك مەكەمەلەردىڭ, كاسىپكەرلەر پالاتاسىنىڭ وكىلدەرى قاتىستى.
- ينۆەستيتسيا تارتۋ – مەملەكەتتىك ورگاندار جۇمىسىنداعى نەگىزگى باعىتتىڭ ءبىرى. ءاربىر ينۆەستيتسيانىڭ ارتىندا جاڭا تەحنولوگيا, حالىقتىڭ تابىسى, جۇمىسشىلاردىڭ بىلىكتىلىگىن ارتتىرۋ, ءوندىرىستىڭ ساپاسىن كەڭەيتۋ جانە جاقسارتۋ, جاڭا جۇمىس ورىندارىن قۇرۋ تۇرادى. بىراق كوبىنەسە الەۋەتتى ينۆەستور نارىقتىق جاعداي, سالىق, كەدەن جانە باسقا دا زاڭناما, جەر تەلىمدەرىن بەرۋ ءتارتىبى, مەملەكەتتىك قولداۋ شارالارى جانە بيزنەستىڭ دامۋىن انىقتايتىن باسقا دا فاكتورلار تۋرالى شىنايى جانە تولىق اقپاراتتى بىلمەي, كەدەرگىلەرگە تاپ بولادى, – دەيدى شارانىڭ اشىلۋ سالتاناتىنا ارنايى كەلگەن باتىس قازاقستان وبلىسىنىڭ اكىمى عالي ەسقاليەۆ. ءوڭىر باسشىسىنىڭ ايتۋىنشا, بۇگىنگى تاڭدا بۇل قاتەلىكتەردى تۇزەتۋگە بارلىق مۇمكىندىك بار.
ترەنينگ قازاقستاننىڭ باتىس وڭىرىندەگى ءتورت وبلىستىڭ مەملەكەتتىك ورگاندارى مەن دامۋ ينستيتۋتتارىنىڭ وڭىرارالىق ءوزارا ءىس-قيمىلى, «جالعىز تەرەزە» قاعيداتى بويىنشا ينۆەستيتسيالىق قىزمەتتى ۇيىمداستىرۋ مەن قولداۋدى جاقسارتۋ ماقساتىندا ۇيىمداستىرىلعان.
قازاقستان ۇكىمەتى بارلىق ايماقتاعى ينۆەستورلارعا قولداۋ جانە كومەك كورسەتۋ جونىندەگى ارنايى قاۋلى شىعاردى. بۇل تۋرالى حابارلاعان «Kazakh Invest» ۇلتتىق كومپانياسى توراعاسىنىڭ ورىنباسارى ءبىرجان قانەشەۆ ءار وبلىس ورتالىعىندا فرونت-كەڭسەلەر اشىلاتىنىن ايتتى. ول كەڭسەلەر ء«بىر تەرەزە» قاعيداتى بويىنشا ينۆەستورلارعا انىقتامالىق اقپاراتتان باستاپ ينۆەستيتسيالىق جوبانى تولىق سۇيەمەلدەۋگە دەيىن بارلىق قاجەتتى قىزمەتتەردى كورسەتەتىن بولادى.
– بىزدە فرونت وفيس «سمارت ورال» تەحنوپاركى بازاسىندا اشىلماق. بۇل تۇرعىدا ءبىز ودان ءارى قادام باسىپ كەلەمىز, وندا ول الەمنىڭ كەز كەلگەن نۇكتەسىمەن, تەلەفون نەمەسە ينتەرنەت ارقىلى بايلانىسا الاتىن ينۆەستورعا قاجەتتى ۇيىمداستىرۋ تەحنيكاسى بولادى. وندا ينۆەستور جۇمىس ىستەي الاتىن ءارى قولايلى دەمالىس ايماعىنا اينالادى, - دەيدى بقو بويىنشا «Kazakh Invest» كومپانياسىنىڭ وڭىرلىك ديرەكتورى نۇرلان قايىرشين.
باتىس قازاقستان