ەلىمىزدە كونستيتۋتسيا كۇنىنە وراي «نەگىزگى زاڭ اپتالىعى» اتتى جالپىحالىقتىق شارا باستاۋ الدى. ازاماتتاردىڭ اتا زاڭ اياسىنداعى مىندەتتەرى مەن قۇقىقتارىن تانىپ, بىلۋگە جانە قۇقىقتىق مادەنيەت پەن ساۋاتتىلىق ارتىرۋعا ارنالعان اپتالىق بارلىق ءوڭىر بويىنشا جالعاسادى.
«نەگىزگى زاڭ اپتالىعى» شاراسىن الماتى وبلىسىندا الدىمەن باستاعان وڭىرلىك كاسىپكەرلەر پالاتاسى بولدى. ءبىر اپتاعا سوزىلاتىن قۇقىقتىق ساۋاتىلىقتى ارتتىرۋ باعىتىنداعى جۇمىس كاسىپكەرلەرگە قاجەتتى كەڭەس الۋ ءۇشىن قولايلى ورتا قالىپتاستىرماق. ويتكەنى, ايماق بويىنشا قۇقىقتىق كەڭەس پەن زاڭ اياسىندا قورعالۋدى كوپ قاجەت ەتەتىن سالانىڭ ءبىرى وسى – بيزنەس باعىتى. مۇنداي شارا, اسىرەسە ءىسىن ەندى باستاعان جاس كاسىپكەر ءۇشىن پايدالى بولماق. وكىنىشكە قاراي, شاعىن جانە ورتا بيزنەستىڭ دامۋىنا كەدەرگى كەلتىرۋ مىسالى وڭىرلەردە ازايماي وتىرعانى جاسارىن ەمەس. ماسەلەن, وتكەن جىلى الماتى وبلىسىندا «اتامەكەن» وڭىرلىك كاسىپكەرلەر پالاتاسىنىڭ قىزمەتكەرلەرى جەرگىلىكتى 365 كاسىپكەردەن ءوتىنىش قابىلدانعان ەكەن. ولاردىڭ اراسىننان 194 ءوتىنىش وڭ شەمىن تاۋىپ, كاسىپكەردىڭ پايداسىنا شەشىلىپتى. ياعني, «اتامەكەننىڭ» ارالاسۋىنان كەيىن جەرگىلىكتى بيزنەستىڭ مۇددەسىنە وراي شەشىلگەن قارجى كولەمى 701,2 ملن تەڭگەنى قۇراعان كورىنەدى.
- اپتالىقتى سپورتتىق فلەش-موبپەن اشۋدى ويلاستىرعانبىز. وتە ۇتىمدى بولعان سياقتى. سەبەبى, ادامنىڭ باستى بايلىعى – دەنساۋلىعى. سالاماتتى ءومىر سالتىن ۇستانعان ادام – ساۋاتتى ءومىر سۇرەدى. ال كاسىپكەر ءۇشىن ەڭ كەرەگى - قۇقىقتىق ساۋاتىنىڭ جوعارى بولۋى. ال «نەگىزگى زاڭ اپتالىعى» اياسىندا كاسىپكەرلەر, ءوز بيزنەسىن اشۋدى جوسپارلاعان جاندار, ەرىكتىلەر جانە جاي عانا قالا تۇرعىندارى ءىس-شاراعا قاتىسىپ, تاجىريبە الماسىپ, سالاۋاتتى ءومىر سالتىن قالىپتاستىرۋعا ىقپال ەتەتىن سالالارداعى جاڭا ترەندتەر تۋرالى بىلە الادى, - دەيدى «اتامەكەن» وڭىرلىك كاسىپكەرلەر پالاتاسىنىڭ ءباسپاسوز حاتشىسى ەرلان رامازانوۆ.
ايتپاقشى, «نەگىزگى زاڭ اپتالىعىنىڭ» وراي تالدىقورعانعا ء ماجىلىس دەپۋتاتى ومارحان وكسىكباەۆ ارنايى كەلدى. وبلىس كاسىپكەرلەرىمەن كەزدەسۋ باراسىندا حالىق قالاۋلىسى ازاماتتاردىڭ كونستيتۋتسيالىق قۇقىعىنىڭ ساقتالۋى مەن مەملەكەت, زاڭ الدىنداعى جاۋاپكەرشىلىك جايىندا ءسوز قوزعادى. ءوز كەزەگىندە كاسىپكەرلەر دە وتكىر سۇراقتار قويىپ, شاعىن جانە ورتا بيزنەستى قولداۋ مەن قورعاۋعا قاتىستى ويلارىمەن ءبولىستى.
الماتى وبلىسى