بۇدان بۇرىن ءمالىم بولعانىنداي, ترياتلونشى انەل سىتدىقوۆا لا-مانش بۇعازىن باعىندىرىپ, 38 شاقىرىم قاشىقتىقتى 15 ساعات 15 مينۋت ۋاقىتتا گيدروكوستيۋمسىز ءجۇزىپ وتكەن بولاتىن. بۇعاز سۋىنىڭ 15-16 گرادۋس سالقىندىقتا بولاتىنىن ەسكەرسەك, انەلدىڭ بۇل ارەكەتىن ماماندار ەرلىكپەن پارا-پار دەپ باعالاپ وتىر. «قازاقستاننىڭ تەمىر حانشايىمى» اتاعىن بىرنەشە مارتە يەمدەنگەن ترياتلونشىنى الماتى اۋەجايىندا ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ ۇجىمى قوشەمەتپەن قارسى الدى.
بۇدان بۇرىن ءمالىم بولعانىنداي, ترياتلونشى انەل سىتدىقوۆا لا-مانش بۇعازىن باعىندىرىپ, 38 شاقىرىم قاشىقتىقتى 15 ساعات 15 مينۋت ۋاقىتتا گيدروكوستيۋمسىز ءجۇزىپ وتكەن بولاتىن. بۇعاز سۋىنىڭ 15-16 گرادۋس سالقىندىقتا بولاتىنىن ەسكەرسەك, انەلدىڭ بۇل ارەكەتىن ماماندار ەرلىكپەن پارا-پار دەپ باعالاپ وتىر. «قازاقستاننىڭ تەمىر حانشايىمى» اتاعىن بىرنەشە مارتە يەمدەنگەن ترياتلونشىنى الماتى اۋەجايىندا ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ ۇجىمى قوشەمەتپەن قارسى الدى.
تاۋەلسىز مەملەكەتىمىزدىڭ كوك بايراعىن فرانتسيانىڭ سولتۇستىگى مەن بريتان ارالدارىنىڭ وڭتۇستىك-شىعىسىن جالعاپ جاتقان لا-مانش بۇعازىندا جەلبىرەتكەن انەلدىڭ بۇل جەڭىسى الەمدىك دەڭگەيدەگى سەنساتسيا بولدى. جەڭىس حابارى جەتكەن كۇنى مادەنيەت جانە سپورت ءمينيسترى اقتوتى راحمەتوللاقىزى رايىمقۇلوۆا جۇرەكجاردى لەبىزىن ءبىلدىرىپ, العىس حاتىن جولداعان بولاتىن.
انەل سىتدىقوۆانىڭ ومىردەرەگىنەن از-كەم مالىمەت بەرە كەتەتىن بولساق, ورال قالاسىندا دۇنيەگە كەلگەن سپورتشى جاستايىنان سپورتقا بەيىم بولىپ وسەدى. كەيىننەن الماتىدا جوعارى وقۋ ورنىن, كەمبريدج ۋنيۆەرسيتەتىن ءتامامدادى. انەلدى كوپشىلىك قازاقستاننان شىققان تۇڭعىش ايرونمەن (Ironman), تۇڭعىش ۋلترامەن (Ultraman) رەتىندە تانيدى. ياعني, ول – سۋدا ءجۇزۋ, ۆەلوسيپەد تەبۋ جانە جۇگىرۋ بويىنشا مارافون قاشىقتىعىن باعىندىرعان بىردەن-ءبىر قازاق سپورتشىسى. ايتا كەتەرلىگى, ازىرگە انەلدىڭ جالپى ۇزىندىعى 500 شاقىرىمنان اساتىن لا-مانش بۇعازىن باعىندىرۋ ەرلىگىن تمد اۋماعىندا ەشكىم قايتالاي قويعان جوق. ول ترياتلوننان مالايزيا, كانادا, شۆەيتساريا جانە نيدەرلاندى ەلدەرىندە جۇلدەگەر اتاندى.
الماتى