«مەكتەپكە جول» رەسپۋبليكالىق اكتسياسى اياسىندا الماتى قالاسى تجد-ءىڭ قىزمەتكەرلەرى «جانۇيا» بالالار ءۇيىنىڭ تاربيەلەنۋشىلەرىن كەلە جاتقان جاڭا وقۋ جىلىمەن قۇتتىقتادى. قۇتقارۋشىلار بالالارعا قۇر قول كەلگەن جوق, 47 ۇل بالا مەن 27 قىز بالا الداعى وقۋ جىلىنا جاڭا مەكتەپ فورماسى مەن ريۋكزاكتارمەن قامتاماسىز ەتىلدى.
ەسكە سالساق, الماتى قالاسىنىڭ اكىمدىگى بيىلعى جىلدىڭ 5 شىلدەسىنەن باستاپ جىل سايىنعى ءداستۇرلى «جۇرەكتەن – جۇرەككە» ۇرانى بويىنشا «مەكتەپكە جول» اكتسياسىن باستاعان.
اكتسيا 30 قىركۇيەكتە اياقتالادى.
«جانۇيا» مامانداندىرىلعان كەشەنى رەسپۋبليكاداعى ەڭ ءىرى كەشەن بولىپ تابىلادى. بالالار ۇيىندە ءارتۇرلى سوزىلمالى دەرتكە شالدىققان 511 بالا وقيدى جانە تۇرادى, ولاردىڭ 74-ءى جەتىمدەر.
بالالار ۇيىندە جىلى احۋال قالىپتاسقانىن جانە تاربيەشىلەردىڭ قامقورلىعىن اتاپ وتكەن ءجون. پەداگوگتاردىڭ كۇش-جىگەرىنىڭ ارقاسىندا بالالار ءۇيىنىڭ تاربيەلەنۋشىلەرى رەسپۋبليكالىق «جۇلدىزاي» بالالار شىعارماشىلىعى بايقاۋىندا, سونداي-اق مارات وسپانوۆ اتىنداعى «قوعامدىق قوردىڭ» بالالار شىعارماشىلىعى فەستيۆالىندە جۇلدەلى ورىندارعا يە بولعان.
الماتى