كوكشەتاۋ قالاسىنداعى ەمدەۋ جانە الدىن-الۋ مەكەمەلەرى ماماندارىنىڭ كوشپەلى بريگاداسى بۋراباي اۋدانىنداعى «زۆەزدنىي» جانە «سامرۇق» بالالاردىڭ ساۋىقتىرۋ لاگەرلەرىندە بولىپ قايتتى.
ساپار بارىسىنداعى شاراعا وبلىستىق دەنساۋلىق ورتالىعىنىڭ جانە قالالىق ەمحانانىڭ سالاۋاتتى ءومىر سالتىن قالىپتاستىرۋ ورتالىعىنىڭ پسيحولوگتارى ناتاليا مولودوۆسكايا مەن ەلميرا پريحودكو جانە اقمولا وبلىستىق جيتس-ءتىڭ الدىن الۋ جانە وعان قارسى كۇرەس ورتالىعىنىڭ سوتسيولوگى نۇرلىبەك قونىسپاەۆ قاتىستى.
–ترەنينگتەرگە 8-12 جاس ارالىعىنداعى جاسوسپىرىمدەر قاتىسادى, سوندىقتان, ولار ءۇشىن تازا اۋادا بەلسەندى, قوزعالمالى, كوڭىلدى جانە قىزىقتى ويىندار ۇيىمداستىرامىز. وسىلايشا ولار العان بىلىمدەرىن وڭاي يگەرەدى.
دارىگەرلەردىڭ ايتۋىنشا, بيىلعى جازدا جيتس ورتالىعىنىڭ قىزمەتكەرلەرى باسقا مەديتسينالىق مەكەمەلەردىڭ ماماندارىمەن بىرلەسىپ, ساۋالناما جۇرگىزۋ جانە اقپاراتتىق-ءبىلىم بەرۋ ماتەريالدارىن تاراتۋ جانە الدىن-الۋ جۇمىستارىن جۇرگىزۋ ءۇشىن قالا سىرتىنداعى بالالار لاگەرلەرىنە ۇنەمى بارىپ وتىرعان. جالپى, وسىنداي تانىمدىق كەزدەسۋلەر ءوڭىرىمىزدىڭ باسقا دا جازعى لاگەرلەرىندە جۇيەلى ءوتىپ تۇرادى. اعىمداعى جىلى وسىنداي ء ىس-شارالارعا بارلىعى 500-دەن استام بالا قاتىستى.