حالىقتىڭ ءال-اۋقاتىن ارتتىراتىن جاڭا رەفورما جۇزەگە اسادى

- 1995-1996 جىلدارداعى احۋالدى قازىرگى جاع­دايمەن مۇلدە سالىستىرۋعا كەلمەيدى. ول كەزدە قازاقستان نارىقتىق ەكونوميكاعا بەت بۇرا باستاعان بولاتىن. حالىقتىڭ الەۋمەتتىك ءال-اۋقاتى دا سىن كوتەرمەي تۇرعان كەز" - دەپ ەسكە الادى بۇرىنعى كەزدى ەريك ابەن ۇلى.

سول كەزەڭدە, ەكو­نوميكالىق داعدارىس ورىن الىپ, ەلىمىز باسقا رەفورمالارمەن قاتار, مىن­دەتتى مەديتسينالىق ساقتاندىرۋ جۇيەسىن ەن­گىزۋدى دە قولعا الدى. بىراق بۇل جوبانى ءسات­سىز بولدى دەۋ قاتە. سەبەبى,  سول قيىن-قىستاۋ كەزەڭدە مىندەتتى مەديتسينالىق ساقتاندىرۋدى ەنگىزۋ دەنساۋلىق سالاسىن جوعارى ساتىعا كوتەرەمىز دەگەن ۇمتىلىس ەدى. بۇل جۇيە 3 جىل ىشىن­دە ەلىمىزدىڭ دەنساۋلىق سالاسىنا نارىقتىق ەكو­نوميكانىڭ پرينتسيپتەرىن ەنگىزۋىمەن ەرەك­شەلەندى. قازىرگى ەمحانا, اۋرۋحانالاردا قولعا الىنعان وزگەرىستەردىڭ ءبارى سول كەزدەگى از­دى-كوپتى تاجىريبەنىڭ جالعاسى دەۋگە بو­لادى. ەگەر ەكونوميكالىق قاۋقارىمىز جەت­كەندە العاشقى مەديتسينالىق ساقتاندىرۋ قو­رى ءوزىن-ءوزى اقتاۋى دا مۇمكىن ەدى. الايدا سول كەزدە قورعا جۇمىس بەرۋشىلەر اۋدارعان قارجى كۇللى رەسپۋبليكا ازاماتتارىن ەمدەۋگە جۇمسالدى. قارتتار مەن بالالار سەكىلدى الەۋ­مەتتىك جاعىنان از قورعالعان تۇرعىندار ءۇشىن جارنا تولەۋگە مەملەكەتتىڭ شاماسى كەلمەدى.

جەرگىلىكتى اكىمدىكتەر, اسىرەسە, اۋىل شارۋا­شى­لىعىمەن اينالىساتىن وبلىستار بيۋد­جەت­تىڭ قىسقالىعىنان قورعا قارجى اۋدارا ال­مادى. قاراجاتتىڭ جەتىسپەۋشىلىگى قوردىڭ جابىلۋىنا اكەلدى. قازىر مىندەتتى مەديتسينالىق ساق­تان­دىرۋدى ەنگىزۋگە مۇمكىندىك بار. الەۋ­مەتتىك جاعىنان از قورعالعان 15 ساناتتاعى ازاماتتاردى, سونىڭ ىشىندە زەينەتكەرلەر مەن 18 جاسقا دەيىنگى بالالاردى, مۇگەدەكتەردى, جازاسىن وتەۋشىلەردى, جۇمىسسىز ازامات­تار­دى, ستۋدەنتتەر مەن تاعى باسقالاردى مەملەكەت ءوز قامقورلىعىنا الىپ, ولار ءۇشىن جارنا تو­لەيدى. بۇلاردىڭ جالپى سانى – 10 ميلليون­نان اسادى" , - دەدى بريفينگتە ءبايجۇنىسوۆ ەريك ابەن ۇلى.

- مەملەكەت دەنساۋلىق ساقتاۋ سالاسىنا ياعني, حالىققا كورسەتىلەتىن تەگىن مەديتسينالىق قىزمەتتەرگە جىل سايىن ءبىر تريلليون تەڭگەگە جۋىق قارجى بولەدى. بولىنەتىن قارجى كولەمى جىل سايىن ارتىپ كەلەدى. مىسالى, 2013 جىلى كەپىلدىك بەرىلگەن تەگىن مەديتسينالىق كومەككە 608,1 ملرد تەڭگە بولىنگەن بولسا, 2019 جىلى بۇل قارجى كولەمى 972,7 ملرد تەڭگەگە جەتتى, - دەپ اتاپ كورسەتتى «امسق» ماڭعىستاۋ فيليالىنىڭ ديرەكتورى باقىت يسماحانبەتوۆ.

ايتا كەتەيىك, 2017 جىلى ەلىمىزدە مەديتسينالىق كومەككە جان باسىنا شاققاندا 91 مىڭ تەڭگە نەمەسە 280 اقش دوللارى جۇمسالعان. بۇل 2013 جىلعى كورسەتكىشتەن 35 مىڭ تەڭگەگە كوپ. ال, ەكونوميكالىق ىنتىماقتاستىق جانە دامۋ ۇيىمى ەلدەرىندە بۇل كورسەتكىش 3000 دوللاردان اسىپ-جىعىلادى.

         بۇل قاراپايىم حالىققا قالا اسەر ەتپەك؟

قارجىنىڭ ءوسۋى ساتىپ الىناتىن قىزمەت تۇرلەرىن كوبەيتۋگە مۇمكىندىك بەرەدى. ناتيجەسىندە دەنساۋلىق ساقتاۋ سالاسىندا جاعىمدى وزگەرىستەر بولادى:

- اقشا كوبەيگەن سوڭ تاريف وسەدى;

- تاريف جوعارى بولعان سوڭ مەملەكەتتىك تاپسىرىستى ورىنداۋعا قۇلشىناتىن كلينيكالار سانى ارتىپ, بيزنەس جاڭا كلينيكالار اشۋعا ىنتالى بولادى;

- كلينيكا قانشا كوپ بولسا, پاتسيەنت ءۇشىن كۇرەس تە كۇشەيەدى;

- باسەكەلەستىك قانشا كۇشتى بولسا, حالىققا كورسەتىلەتىن قىزمەت ساپاسى دا جوعارىلايدى.