سارسەنبى, 29 مامىر 2013 1:49
پارلامەنت ءماجىلىسىنىڭ توراعاسى نۇرلان نىعماتۋلين قىزىلوردا وبلىسىنا ارنايى ساپارمەن كەلدى. مارتەبەلى مەيماندى ايماق باسشىسى قىرىمبەك كوشەرباەۆ كۇتىپ الىپ, وڭىردە اتقارىلىپ جاتقان جۇمىستارمەن تانىستىردى.
جالپى, ادامدار «نۇر وتان» پارتياسىنىڭ قوعامدىق قابىلداۋلارىنا ۇلكەن ءۇمىت ارقالاپ كەلەدى. بيلىك پارتياسىنىڭ تابالدىرىعىن اتتاعان ءاربىر ازامات ءوز ماسەلەسىنىڭ شەشىلەتىنىنە سەنەدى.
سارسەنبى, 29 مامىر 2013 1:49
پارلامەنت ءماجىلىسىنىڭ توراعاسى نۇرلان نىعماتۋلين قىزىلوردا وبلىسىنا ارنايى ساپارمەن كەلدى. مارتەبەلى مەيماندى ايماق باسشىسى قىرىمبەك كوشەرباەۆ كۇتىپ الىپ, وڭىردە اتقارىلىپ جاتقان جۇمىستارمەن تانىستىردى.
جالپى, ادامدار «نۇر وتان» پارتياسىنىڭ قوعامدىق قابىلداۋلارىنا ۇلكەن ءۇمىت ارقالاپ كەلەدى. بيلىك پارتياسىنىڭ تابالدىرىعىن اتتاعان ءاربىر ازامات ءوز ماسەلەسىنىڭ شەشىلەتىنىنە سەنەدى. ونىڭ سىرتىندا, قوعامدىق قابىلداۋلاردا زاڭنامالىق كەڭەس الۋعا, ماڭىزدى مەملەكەتتىك باعدارلامالار تۋراسىندا كەڭىنەن مالىمەتكە قانىق بولۋعا مۇمكىندىك مولىنان بار. بۇل ەلمەن ەتەنە ارالاسۋدىڭ ءبىر قۇرالى ەكەنىن دالەلدەپ جاتۋدىڭ ءوزى ارتىق. ال ورتالىقتان الىس جاتقان ەلدى مەكەندەرگە قوعامدىق قابىلداۋدىڭ وكىلدەرى وزدەرى بارادى. ەل ىشىندەگى پروبلەمالاردى كوزدەرىمەن كورىپ, ونى شەشۋ جولدارىن قاراستىرادى.
«نۇر وتاننىڭ» پارلامەنتتەگى فراكتسياسىنىڭ جەتەكشىسى نۇرلان نىعماتۋليننىڭ قىزىلوردا وبلىسىندا جۇمىس ساپارىن وسىنداي قوعامدىق قابىلداۋدان باستاعانى دا زاڭدى كورىندى. ءماجىلىس توراعاسىنىڭ قابىلداۋىنا ازاماتتار ءتۇرلى ساۋالدارمەن كەلدى. جانە وزدەرىن مازالاعان ماسەلەلەردىڭ شەشىمىن تاۋىپ قايتتى. مىسالى, «اق-بارىس» شارۋا قوجالىعىنىڭ توراعاسى ەربولات رساليەۆ «سىباعا» باعدارلاماسى بويىنشا سۋبسيديا الۋعا مۇمكىندىك قاراستىرۋدى سۇرادى. اتالعان شارۋاشىلىق «حالال» ستاندارتىمەن ونىمدەر شىعارادى. ولاردىڭ ونىمدەرى حالىق اراسىندا ۇلكەن سۇرانىسقا يە. جەرگىلىكتى كاسىپورىندار, مەكتەپتەر, مەديتسينالىق مەكەمەلەر وسى قوجالىقتىڭ ونىمدەرىن پايدالانادى. بۇگىندە شارۋاشىلىقتا مال سوياتىن تسەح, 200 باس ءىرى قارا مالدى جەمدەۋگە ارنالعان ورىن بار. شارۋاشىلىق جەتەكشىسى ەندى قولدا بار تسەحتى ۇلكەيتىپ, مال جەمدەيتىن ورىندى 500-گە جەتكىزۋدى ويلاپ وتىر ەكەن. سول ءۇشىن «سىباعادان» سىباعا الۋدى ماقسات تۇتادى. بولاشاعى بار, ەلگە پايداسى زور جوباعا نۇرلان زايروللا ۇلى دا قولداۋ ءبىلدىردى.قابىلداۋعا كەلگەن ازاماتتاردىڭ ءبىرى – ۆالەنتينا لەۆكينا. ول – بالالار ءۇيىنىڭ تاربيەلەنۋشىسى. قولىندا ءبىر ۇلى بار. «جاسوسپىرىمدەر ۇيىندە» تۇرىپ كەلە جاتقانىنا ون جىل بولعان. ەندىگى باستى ارمانى – باسپانالى بولۋ. ءماجىلىس توراعاسىمەن ول دا وي-ارمانىن ءبولىستى. تاعدىردىڭ تەپەرىشىن از كورمەگەن جاس اناعا نۇرلان نىعماتۋلين جازعا دەيىن جاڭا باسپاناعا يە بولاتىنىن ايتتى. سونىمەن قاتار, ول جەتىم بالالاردىڭ باسپانا قۇقىن زاڭ جۇزىندە بەكىتۋدىڭ دە قاراستىرىلاتىنىن جەتكىزدى.ن.نىعماتۋلين «نۇر وتان» پارتياسىنىڭ قابىلداۋ جۇيەسى ەڭ الدىمەن ەلباسىمىز جۇكتەگەن الەۋمەتتىك ماسەلەلەردى شەشۋدىڭ باستى تەتىگى ەكەنىن ايتتى. بيىل پارتيانىڭ قىزىلوردا وبلىستىق فيليالىنا مىڭنان اسا ادام حابارلاسقان. اقمەشىتتىك اعايىندى ەڭبەكپەن قامتۋ, تۇرعىن ءۇي-كوممۋنالدىق شارۋاشىلىق سالاسى, جالاقىنىڭ تولەنبەۋى سەكىلدى وزەكتى ماسەلەلەر تولعاندىرادى ەكەن. جۇمىستىڭ تيىمدىلىگىن ارتتىرۋ ماقساتىندا وبلىستىق فيليال كوشپەلى قابىلداۋلار, تەمىر جولداعى قابىلداۋ, «قازاقتەلەكومدا» قوعامدىق قابىلداۋ ءبولىمىن اشۋ سەكىلدى ءتۇرلى پىشىندەگى كەزدەسۋلەر وتكىزىپ كەلەدى.قوعامدىق قابىلداۋدان سوڭ نۇرلان نىعماتۋلين باستاعان مەيماندار «جاستار ءۇيىنىڭ» جۇمىسىمەن تانىستى. ول بىلتىر پايدالانۋعا بەرىلدى. ءبىرىنشى قاباتىندا 23 جاسقا دەيىنگى تاربيەلەنۋشىلەر تۇرادى. ول جاتاقحانا سەكىلدى جاسالعان. ال ودان جوعارى قاراي 29 جاسقا دەيىنگى ازاماتتارعا پاتەر رەتىندە بەرىلەدى. بۇل بالالار ۇيىندە تاربيەلەنىپ, 23 جاستان كەيىن مەملەكەت قامقورلىعىنان تىس قالاتىن جاستار ءۇشىن ەڭ قولايلى ءتاسىل بولىپ تۇر. ولار 29 جاسقا دەيىن ءبىلىمىن الىپ, وتباسىن قۇرىپ, جۇمىسقا ورنالاسىپ, باسپانا ماسەلەسىن شەشىپ العانشا وسى ورىندى مەكەن ەتەدى. ال مۇنىڭ جاستارعا جاسالعان ۇلكەن قامقورلىق ەكەنى ايتپاسا دا تۇسىنىكتى.ورتالىقتىڭ جۇمىسىمەن تانىسىپ شىققان سوڭ ءماجىلىس توراعاسى جۋرناليستەرگە ارنايى سۇحبات بەردى.– اۋەجايدان تۇسكەننەن كەيىن-اق قىزىلوردا وبلىسىندا ۇلكەن جۇمىستاردىڭ اتقارىلىپ جاتقانى كوزگە بىردەن كورىندى. جاڭا جولدار سالىنىپ, قۇرىلىس الاڭدارى تىنىمسىز جۇمىس ىستەپ, سونىڭ ناتيجەسىندە تۇرعىن ۇيلەر مەن عيماراتتار بوي كوتەرىپ جاتىر ەكەن. ايماقتا ەلباسىنىڭ تاپسىرمالارى تىڭعىلىقتى ورىندالىپ جاتقانىنا كۋا بولىپ وتىرمىز. وبلىس باسشىسى ايماقتا قولعا الىنۋ ۇستىندەگى باعدارلامالار تۋرالى ايتتى. ال ونىڭ بارلىعى ەلىمىزدىڭ وركەندەۋىنە ەلەۋلى ۇلەس قوسادى دەپ سەنەمىز,– دەدى نۇرلان زايروللا ۇلى.ءماجىلىس توراعاسىنىڭ جۇمىس ساپارى ودان سوڭ بايقوڭىر عارىش ايلاعىندا جالعاستى. مەيماندار بىرقاتار ماڭىزدى نىسانداردى ارالاپ شىعىپ, «بايقوڭىر» عارىش ايلاعى مۇراجايىنىڭ جۇمىسىمەن تانىستى. ونان سوڭ «سويۋز-تما-09م» عارىش كەمەسىنىڭ ۇشىرىلۋىن تاماشالادى.
ەرجان بايتىلەس,«ەگەمەن قازاقستان».قىزىلوردا وبلىسى.