جۇما, 17 مامىر 2013 2:08
قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆتىڭ پورتۋگاليا رەسپۋبليكاسىنا العاشقى رەسمي ساپارى بولىپ ءوتتى, دەپ حابارلادى وسى ۆەدومستۆونىڭ ءباسپاسوز قىزمەتى.
ساپار اياسىندا قر ءسىم باسشىسى پورتۋگاليا پرەزيدەنتى انيبال كاۆاكۋ سيلۆومەن, اسسامبلەيا (پارلامەنت) توراعاسى ماريا ەستەۆەش حانىممەن, سىرتقى ىستەر ءمينيسترى پاۋلۋ پورتاشپەن, سونىمەن قاتار, پورتۋگاليا جەتەكشى بيزنەس قۇرىلىمدارىنىڭ باسشىلىعىمەن بىرقاتار ەكىجاقتى كەزدەسۋلەر وتكىزدى.
جۇما, 17 مامىر 2013 2:08
قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆتىڭ پورتۋگاليا رەسپۋبليكاسىنا العاشقى رەسمي ساپارى بولىپ ءوتتى, دەپ حابارلادى وسى ۆەدومستۆونىڭ ءباسپاسوز قىزمەتى.
ساپار اياسىندا قر ءسىم باسشىسى پورتۋگاليا پرەزيدەنتى انيبال كاۆاكۋ سيلۆومەن, اسسامبلەيا (پارلامەنت) توراعاسى ماريا ەستەۆەش حانىممەن, سىرتقى ىستەر ءمينيسترى پاۋلۋ پورتاشپەن, سونىمەن قاتار, پورتۋگاليا جەتەكشى بيزنەس قۇرىلىمدارىنىڭ باسشىلىعىمەن بىرقاتار ەكىجاقتى كەزدەسۋلەر وتكىزدى.
ەلباسىنىڭ قازاقستان سىرتقى ساياساتىن ودان ءارى ەكونوميالاندىرۋ بويىنشا تاپسىرمالارىنا وراي, ە.ىدىرىسوۆتىڭ ليسسابونداعى كەلىسسوزدەرى كۇن ءتارتىبىنىڭ نەگىزگى تاقىرىپتارى ەكىجاقتى ساۋدا-ەكونوميكالىق جانە ينۆەستيتسيالىق ىنتىماقتاستىقتى بەلسەندىلەندىرۋگە باعىتتالدى.
اتاپ ايتقاندا, تاراپتار پورتۋگاليا باي تاجىريبە جيناقتاعان جانە قازاقستانعا قىزىعۋشىلىعى بار سالالارداعى, سونىڭ ىشىندە ينفراقۇرىلىم, كولىك, فارماتسەۆتيكا, مەملەكەتتىك-جەكە ارىپتەستىك جانە ت.ب. سالالارداعى ءوزارا ىقپالداستىق ماسەلەلەرىن تالقىعا سالدى. سونداي-اق, پورتۋگاليا تاراپى قازاقستاننان جەكە ينۆەستيتسيا تارتۋعا قىزىعۋشىلىق تانىتتى.
سونىمەن قوسا, پورتۋگاليالىق رەسمي تۇلعالارمەن كەزدەسۋلەر شەڭبەرىندە قازاقستان-پورتۋگاليا قارىم-قاتىناسىنىڭ قۇقىقتىق بازاسىن قۇرايتىن نەگىزگى قۇجاتتاردى قاراستىرۋ بارىسى مەن قول قويۋ مۇمكىندىگى تالقىعا سالىندى, ولاردىڭ اراسىندا ەكونوميكالىق ىنتىماقتاستىق جونىندە, تۋريزم جونىندە, قوسارلانعان سالىق سالۋدىڭ الدىن الۋ جونىندە جانە باسقا دا كەلىسىمدەر بار. تاراپتار ۇكىمەتارالىق ساۋدا كوميسسياسىن قۇرۋ مۇمكىندىگىن قاراستىرۋ تۋرالى كەلىسىمگە قول جەتكىزدى, ونىڭ نەگىزگى جۇمىسى ىنتىماقتاستىقتى ودان ءارى بەلسەندىلەندىرۋدى قامتاماسىز ەتۋگە باعىتتالاتىن بولادى.
ليسسوبونعا ساپارى بارىسىندا ە.ىدىرىسوۆ ەكسپو-98 وبەكتىلەرىندە بولدى. ول وبەكتىلەر حالىقارالىق كورمەنى وتكىزگەن سوڭ پورتۋگاليا استاناسىنىڭ ارحيتەكتۋرالىق كەلبەتىنىڭ اجىراماس بولىگىنە اينالدى. پورتۋگاليالىق رەسمي تۇلعالاردىڭ پىكىرىنشە, حالىقارالىق كورمەنى وتكىزۋ شارالارىن الدىن الا جوسپارلاۋ عانا ەمەس, سونىمەن قاتار, كورمە اياقتالعاننان كەيىن پاۆيلوندار مەن باسقا ينفراقۇرىلىمداردىڭ پايدالانۋىن جوسپارلاۋ دا وتە ماڭىزدى.
پورتۋگاليالىق تاراپى قازاقستان دەلەگاتسياسىنىڭ استانادا ەكسپو-2017 كورمەسىن دايىنداۋ جانە وتكىزۋ اياسىندا ىنتىماقتاسۋ جانە تاجىريبە الماسۋ ۇسىنىسىن ۇلكەن قىزىعۋشىلىقپەن قابىل الدى.