قازتالوۆ اۋدانىنا قاراستى قايىڭدى اۋىلىنىڭ تۇرعىنى اسلان جايىنوۆتى بىلمەيتىندەر كەمدە-كەم. ولاي دەيتىن سەبەبىمىز, اسلان ءوزىنىڭ اتا-تەگى جايىنوۆ بولعانىنا قاراماستان قاراوزەننەن جايىن بالىقتارىن ۇستاۋدان چەمپيون اتانىپ ءجۇر.
وسىدان بىرەر جىل بۇرىن 45 كيلو, 90 كيلو جايىن ۇستاپ, رەكورد قويعان بولاتىن. ەندى مىنە, اسلان جايىنوۆ رەكوردىن جاڭارتپاسا دا تاعى مارتە جايىن ۇستاپ وتىر. بۇل جولى ەكەۋىن قاتارىنان ۇستاعان. سۋرەتتەن كورىپ وتىرعاندارىڭىزداي ۇلكەنى – 65 كيلو, ال كىشىسى – 20 كيلو سالماق تارتقان.
مۇنداي ولجادان كەيىن جايىنوۆتىڭ جايىن ۇستاۋى زاڭدىلىق سەكىلدى. اسلان قىسقا ساقاداي ساي بولىپ, جايىن ەتىن تۇزداپ تا قويعان بولار.
قايرات جاقىپ
باتىس قازاقستان وبلىسى,
قازتالوۆ اۋدانى