قوستانايدا سيىر ەتىن وڭدەۋ جانە ءوندىرۋ زاۋىتى اشىلادى

جوبانى ىسكە اسىرۋ اياسىندا سيىر ەتىن وڭدەۋدىڭ تولىق تسيكلىن ۇيىمداستىرۋ جوسپارلانۋدا. سونىڭ ىشىندە بورداقىلاۋ الاڭىن, مال سويۋعا ارنالعان ورنىن, ءونىمدى قاپتاۋ, مۇزداتۋ جانە ساقتاۋ ورىندارىن قۇرۋ. كاسىپورىننىڭ جوسپارلانعان وندىرىستىك قۋاتى جىلىنا 15-20 مىڭ توننا ءونىمدى قۇرايدى. ول ءۇشىن كاسىپكەرلەر جىل سايىن 42 مىڭ باس مالدى سويۋدى جوسپارلاپ وتىر.

«قازاقستان مال شاۋراشىلىعىن دامۋ سالاسىندا ۇلكەن الەۋەتكە يە. ءبىز ءۇشىن بۇل مەملەكەن وندەۋ جاعىنان قىزىق. ءبىز ساپالى مۇزداتىلعان سيىر ەتىن ءوندىرىپ ىشكى جانە سىرتقى نارىقتارعا جەتكىزۋدى جوسپارلاپ وتىرمىز. بۇدان بولەك مىندەتتى تۇردە «حالال» ستاندارتتارىنا ساي سەرتيفيكاتتاۋدان ءوتۋ جوسپاردا بار. تاپتىرمايتىن جاردەم بىزگە Kazakh Invest تاراپىنان ۇسىنىلعان. ءبىز ءۇشىن ولار جۇمىستىڭ ءبارىن قازاقستان زاڭناماسىنا سايكەس جاساۋعا, جەڭىلدىكتەر جانە پرەفەرەنتسيالاردى الۋدا فاسيليتاتور بولادى», دەدى «SureGoodFoods» كومپانياسىنىڭ حالىقارالىق ساۋدا بويىنشا ديرەكتورى كاريم گرانا.

ءوندىرىستىڭ جۇمىسىنا جەرگىلىكتى فەرمەرلەدى تارتۋ جوسپارلانىپ وتىر, دەپ ەسكەرەدى كومپانيادا. ءوز كەزەگىدە, بۇل حالىقتىڭ جۇمىسپەن قامتۋ پايىزىن جانە تابىسىن, جەرگىلىكتى كاسىپكەرلەر جانە فەرمەرلەردىڭ قۇزىرەتىن ارتتىرىپ, وتكىزۋ نارىعىن كەڭەيتىپ, جەرگىلىكتى ءونىمىنىڭ باسەكەگە قابىلەتتىگىن كوتەرەدى.

«مەملەكەت باسشىسىنىڭ تاپسىرماسىنا سايكەس قازۋرگى تاڭدا ءبىز اوك سالاسىنا ينۆەستورلاردى تارتۋ بويىنشا جۇمىسىن جانداندىرۋدامىز. ءبىزدىڭ كومپانيا ءۇشىن اۋىل شارۋاشىلىعى ءونىمىن وندەۋى باسىم باعىتى بولىپ سانالادى. مۋلتيپريكاتيۆتى الەۋمەتتىك-ەكونوميكالىق اسەر بەرەتىڭ جوبالار ەلىمىز ءۇشىن وتە ماڭىزدى. ولار اۋىل ەكونوميكاسىن تۇبەگەيلى وزگەرتۋگە مۇمكىندىك بەرەدى, سونداي-اق تەحنولوگيالىق ءوندىرىس جاعىنا ءوتىپ, جەرگىلىكتى ءونىمىنىڭ شىعارۋ جانە ەكسپورت كولەمىن ارتتىرادى», - دەدى  «KAZAKH INVEST» ۇك» اق باسقارما توراعاسىنىڭ ورىنباسارى رۋستام يساتاەۆ.

ايتا كەتۋ كەرەك, اتالعان جوبانى ءساتتى جۇزەگە اسىرعان جاعدايدا ينۆەستورلار قوسىمشا قوي جانە شوشقا ەتىن وڭدەۋ بويىنشا كاسىپورىنداردى قۇرۋدى جوسپارلاپ وتىر.