ۇيقىنى قاندىرۋدىڭ جاڭا ءتاسىلى پايدا بولدى. بۇل تۋرالى MedicalXpress ينتەرنەت باسىلىمى حابارلادى.
ءدال وسى تاقىرىپ اياسىندا 5 مىڭنان استام تاجىريبە جاساعان امەريكالىق عالىمدار ۇيقىعا جاتار الدىندا جىلى ۆاننا قابىلداۋ كەرەكتىگىن حابارلادى. عالىمداردىڭ تەز ۇيىقتاپ, سەرگەك ويانۋعا كومەكتەسەتىن ءتاسىلىنىڭ دالەلدەمەلەرى Sleep Medicine Reviews جۋرنالىندا جاريالاندى.
ماقالاداعى اقپاراتقا سۇيەنسەك, ۆاننانى ۇيقىعا كەتەر الدىندا 1 جارىم ساعات بۇرىن قابىلداۋ كەرەك ەكەن. جىلى سۋ ۇيقىعا كەتۋ پروتسەسىن 10 مينۋتقا تەزدەتەتىن كورىنەدى.
ال ۇيقىسىزدىق دەرتىنەن زارداپ شەگەتىن جاندار تاماقتانۋ كەزىندە جاڭعاق, ءزىمبىر, قىزاناق, قاسقىرجەم, بريۋسسەل ورامجاپىراعى, بانان, بروكوللي, قۇلپىناي, كوك شاي, انار سياقتى جەمىس-جيدەك, تاعام تۇرلەرىن قوسىپ جەسە ۇيقىسىزدىقتان ارىلۋعا بولاتىنىن جازعان.