جوبا بىرنەشە كەزەڭ بويىنشا جۇزەگە اسادى: بايقاۋعا قاتىسۋشىلاردى تىركەۋ, ىرىكتەۋ, بەتپە-بەت تىلدەسۋ, ءبىلىم بەرۋ كەزەڭى جانە تاعىلىمدامادان ءوتۋ.
جوبانىڭ ماقساتى – جاستار اراسىندا مەملەكەتتىك باسقارۋ جۇيەسى, بيزنەس جانە قوعامدىق قىزمەت سالاسى ءۇشىن قازىرگى زامانعى, ءتيىمدى باسقارۋشىلاردىڭ جاڭا گەنەراتسياسىن قالىپتاستىرۋ.
ناتيجەسىندە ەلىمىزدىڭ ءار ايماعىنان 3 ادامنان 51 جاس ىرىكتەلەدى. 34 ادام قر پارلامەنتىندە, 17 ادام ورتالىق مەملەكەتتىك ورگاندار مەن ۇلتتىق كومپانيالاردا تاعىلىمدامادان وتەدى.
10 جىل ىشىندە جوباعا 15 000-نان استام جاس قاتىسقان. ولاردىڭ 468-ءسى كونكۋرستىق ىرىكتەۋدەن, تەستىلەۋدەن, وقۋ مودۋلدەرىنەن, قر پارلامەنتىنەن, ۇلتتىق كومپانيالاردان, ورتالىق مەملەكەتتىك ورگانداردان ءىس-تاجىريبەدەن وتكەن.
جوباعا 18-29 جاس ارالىعىنداعى قازاقستان رەسپۋبليكاسى ازاماتتارى قاتىسا الادى. وتىنىمدەر www.jastar-rezerv.kz سايتى ارقىلى 2019 جىلدىڭ 26 شىلدەسىنەن 5 قىركۇيەكە دەيىن قابىلدانادى.
كونكۋرسقا قاتىسۋشىلاردى ىرىكتەۋدى وبلىستىق جانە قالالىق ءماسليحات دەپۋتاتتارى, مەملەكەتتىك ورگاندار, قوعامدىق ۇيىمدار, باق جانە بيزنەس سالاسى وكىلدەرى كىرەتىن ارنايى كوميسسيالار جۇزەگە اسىرادى.
«مەملەكەت باسشىسى قاسىم-جومارت توقاەۆ ءوزىنىڭ سايلاۋالدى كامپانياسىندا اتاپ وتكەندەي, ء«بىزدىڭ باستى باسىمدىق – جاستار ءۇشىن الەۋمەتتىك ليفتىلەردىڭ اشىقتىعى مەن تيىمدىلىگىن قامتاماسىز ەتۋ». وسىعان وراي, ءبىزدىڭ باستى ماقساتىمىز – وسى جوبانىڭ كومەگىمەن ەلدىڭ جاس ۇرپاعىنىڭ جاقسى الەۋەتىنە نەگىزدەلگەن مىقتى رەزەرۆ قۇرۋ. جاستار يگىلىگىنە باعىتتالعان رەسۋرستار وسىنداي جوبالار ارقىلى ىسكە اسىپ جاتىر», دەپ اتاپ ءوتتى «Bolashaq» قاۋىمداستىعىنىڭ اتقارۋشى ديرەكتورى لاۋرا دەمەسىنوۆا.