قازىرگى كەزدە «جاس كاسىپكەر» جوباسىنىڭ العاشقى لەگىنە قاتىسۋعا مىڭنان 1200-گە جۋىق الماتىلىقتار تىلەك بىلدىرگەن. ەندىگى كەزەكتە جوعارىدا اتاپ وتكەن ساناتتاعى ۇسىنىستارمەن قاتار مەكتەپ, كوللەدج جانە ۋنيۆەرسيتەتتەر تۇلەكتەرى ارنايى تەستىلەۋدەن وتەتىن بولادى. جوبا جەتەكشىسى قۋانىشبەك ەرنيازوۆتىڭ ايتۋىنشا, جوبا الماتى قالاسىمەن قاتار ەلىمىزدىڭ بارلىق وڭىرلەرىندە وتەتىن بولادى. «باستاۋ» جوباسىنىڭ نەگىزىندە قولعا الىنعان باعدارلاما 18-29 جاس ارالىعىنداعى قىز-جىگىتتەرگە باعىتتالىپ وتىر. الماتى قالاسى بويىنشا «جاس كاسىپكەر» باعدارلاماسى بويىنشا وقىتىلاتىندار سانى جەلتوقسان ايىنا دەيىن 3200 بولسا, «باستاۋ» باعدارلاماسى بويىنشا 6400 ادامدى وقىتۋ جوسپارلانعان. جوباعا قاتىسقان تۇلەكتەر وزدەرىنىڭ ىسكەرلىك داعدىلارىن دامىتۋ ارقىلى بيزنەس جوسپار ازىرلەيتىن بولادى. وسى بيزنەس جوسپار ارقىلى جوباعا قاتىسۋشى جاستار ءوز بيزنەسىن اشۋعا گرانت تۇرىندە باستاپقى 200 اەك (505 مىڭ تەڭگە) – 8000 اەك-كە دەيىن 6 پايىزبەن جەڭىلدەتىلگەن نەسيە الادى. بارلىق قاتىسۋشىلارعا 19 753 تەڭگە شاكىرتاقى تولەنەدى. قازىرگى كەزدە جوباعا الماتىداعى 8 اۋدان قامتىلىپ, 32 سىنىپ اشىلعان.
«جاس كاسىپكەر» جوباسىنىڭ ەكىنشى كەزەڭى اعىمداعى جىلدىڭ 21 تامىزىندا باستالادى. قازىرگى كەزدە جوبانىڭ ەكىنشى كەزەڭىنە قۇجاتتاردى قابىلداۋ جۇمىستارى جۇرگىزىلۋدە. قاتىسۋشىلار جەكە كۋالىگىنىڭ كوشىرمەسىن, مەكەن-جاي انىقتاماسى جانە جوباعا قاتىسۋ تۋرالى ءوتىنىمىن (egov.kz) تاپسىرۋى قاجەت.
قۇجاتتاردى قابىلداۋ الماتى قالاسىنىڭ كاسىپكەرلەر پالاتاسى (جىبەك جولى كوشەسى, 135, امانگەلدى كوشەسىنىڭ قيىلىسى, 2-بلوك, 8-قابات) جانە http://atameken.kz/kk/news/32541-v-almaty-ob-yavlyaetsya-nabor-uchastnikov-na-proekt-zhas-kspker سىلتەمەسى بويىنشا جۇرگىزىلەدى.
الماتى