جۇما, 17 مامىر 2013 1:44
قىزىلوردا وبلىسىنىڭ جالاعاش اۋدانىندا قىزىل ميا تامىرىن وڭدەيتىن زاۋىتتىڭ ىرگەتاسى قالاندى. نەگىزى «بيس-گرۋپپ» جشس 2015 جىلعا دەيىن ءۇش زاۋىت سالۋدى جوسپارلاعان ەكەن. سونىڭ قىزىل ميا تامىرىنان ەرتىندى دايىندايتىن ءبىرىنشى زاۋىتىنىڭ قۇرىلىسى جىلدىڭ سوڭىنا دەيىن سالىنىپ, ءوندىرىس ىسكە قوسىلادى. ال جوبا قۇنى 1,887 ميلليون تەڭگە. كاسىپورىننىڭ باس ديرەكتورى ءدىلداحان احمەتوۆتىڭ ايتۋىنا قاراعاندا, بۇل جوبا ەلىمىزدىڭ يندۋستريالىق-يننوۆاتسيالىق دامۋ باعدارلاماسىنا ەنگىزىلگەن.
جۇما, 17 مامىر 2013 1:44
قىزىلوردا وبلىسىنىڭ جالاعاش اۋدانىندا قىزىل ميا تامىرىن وڭدەيتىن زاۋىتتىڭ ىرگەتاسى قالاندى. نەگىزى «بيس-گرۋپپ» جشس 2015 جىلعا دەيىن ءۇش زاۋىت سالۋدى جوسپارلاعان ەكەن. سونىڭ قىزىل ميا تامىرىنان ەرتىندى دايىندايتىن ءبىرىنشى زاۋىتىنىڭ قۇرىلىسى جىلدىڭ سوڭىنا دەيىن سالىنىپ, ءوندىرىس ىسكە قوسىلادى. ال جوبا قۇنى 1,887 ميلليون تەڭگە. كاسىپورىننىڭ باس ديرەكتورى ءدىلداحان احمەتوۆتىڭ ايتۋىنا قاراعاندا, بۇل جوبا ەلىمىزدىڭ يندۋستريالىق-يننوۆاتسيالىق دامۋ باعدارلاماسىنا ەنگىزىلگەن. شىعارىلاتىن ءونىم 100 پايىز ەكسپورتقا باعىتتالعان. ماماندار زاۋىتتان شىعارىلاتىن قىزىل ميا تامىرىنىڭ ەرتىندىسىنەن بولەك, 1200 ءتۇرلى مەديتسينالىق پرەپاراتتارعا قاجەتتى شيكىزات دايىندايتىن بولادى. الەمدىك رىنوكتا قىزىل ميا تامىرىنا گەرمانيا, اقش, تۇركيا, جاپونيا ەلدەرى ەرەكشە سۇرانىس تانىتىپ وتىر. وسى زاۋىت تولىق قۋاتىندا ىسكە قوسىلعاندا 320 ادام جۇمىسپەن قامتىلادى.
سالتاناتتى راسىمدە وبلىس اكىمى قىرىمبەك كوشەرباەۆ ينۆەستورلارعا جوبانىڭ جۇزەگە اسۋىنا جەرگىلىكتى بيلىك تاراپىنان بارىنشا قولداۋ جاسالاتىنىن مالىمدەدى. ال جالاعاش اۋدانىنىڭ اكىمى سەرىك سەرماعانبەتوۆكە ايماق باسشىسى جوبا تولىق ىسكە اسقانعا دەيىن ءجىتى باقىلاپ, جاردەمدەسۋدى تاپسىردى. كاسىپورىن تەك قىزىل ميا تامىرىن وڭدەپ قانا قويماي, سۇرانىسقا قاجەتتى 2000 گەكتار جەرگە قىزىل ميا ەگەتىن بولدى. ءوندىرىس جىلىنا 22 مىڭ توننا قىزىل ميا تامىرىن وڭدەيدى. ماماندار قازىردە قىزىلوردا وبلىسىندا 80 مىڭ گەكتار القاپتا قىزىل ميا قورىنىڭ بارىن ايتىپ وتىر.
ەرجان بايتىلەس,
«ەگەمەن قازاقستان».
قىزىلوردا وبلىسى.