ينۆەستورلارمەن ۇزاق مەرزىمگە جاسالعان كەلىسىم-شارت بويىنشا اۋقىمدى جۇمىستار قولعا الىنىپ, بۇگىنگە دەيىن 5,4 ملرد تەڭگە جۇمسالعان. العاشقىدا 530 تۇراقتى جۇمىس ورنى اشىلعان بولسا, ولاردىڭ قاتارى بۇگىندە 600-گە جەتىپ وتىر. مەكەمە جۇمىسشىلارىنا تەگىن تاماق, ارناۋلى كيىم-كەشەك, تەگىن كولىكپەن تاسىمالداۋ سياقتى جەڭىلدىكتەر قاراستىرىلعان.
– قالانىڭ سەگىز اۋدانىنان كۇنىنە 1 توننا 100 كيلو قوقىس قالدىعى جەتكىزىلەدى. قوقىس قالدىعىن سۇرىپتاۋ بولىمىنە 4 جولاق قويىلعان. بارلىق قوقىس قالدىعى وسى جولاق ارقىلى سۇرىپتاۋ تسەحىنا وتەدى. قوقىس قالدىقتارى كارتون, شىنى, پلاستيك, تسەللوفان, تەمىر-تەرسەك بولىپ ءبولىنىپ, ارنايى قويىلعان ورىندارعا جونەلتىلەدى. ابدەن قاتتالىپ, ىقشامدالعان قالدىقتاردىڭ دەنى رەسەيگە ءجونەلتىلەدى, دەيدى «Green Recycle» جشس ديرەكتورى دميتري دانيلچەنكو.
«ەگەمەن-اقپارات»