ەلشى قازاقستان پرەزيدەنتى قاسىم-جومارت توقاەۆتىڭ اتىنان مالايزيانىڭ مەملەكەت باسشىسىنا جىلى قۇتتىقتاۋلارىن جولداپ, ەلىمىزدىڭ مالايزيامەن ءوزارا ءتيىمدى ىنتىماقتاستىقتى ءارى قاراي كەڭەيتۋ مەن نىعايتۋعا قىزىعۋشىلىعىن راستادى.
سالتاناتتى راسىمىنەن كەيىن وتكەن ەكىجاقتى كەزدەسۋ بارىسىندا ب.يمانباەۆ قازاقستان مەن مالايزيا اراسىنداعى ساۋدا-ەكونوميكالىق جانە ينۆەستيتسيالىق قارىم-قاتىناستارى جوعارى دەڭگەيىمەن ەرەكشەلەنەتىنىن اتاپ ءوتتى. 2019 جىلدىڭ 4 اي قورىتىندىسى بويىنشا قازاقستان-مالايزيا اراسىنداعى ساۋدا كولەمى 2018 جىلدىڭ كەزەڭىمەن سالىستىرعاندا 6 ەسەدەي ارتقانىنا نازار اۋداردى.
مالايزيانىڭ مەملەكەت باسشىسى تاۋەلسىزدىك جىلدارىندا قازاقستاننىڭ جەتىستىكتەرىن جوعارى باعالاپ, ەكى ەل اراسىنداعى ءوزارا ءتيىمدى, ءداستۇرلى دوستىق بايلانىستاردى ودان ءارى نىعايتۋعا ازىرلىگىن راستادى.
مالايزيانىڭ مەملەكەت باسشىسى قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆقا جانە جاڭادان سايلانعان پرەزيدەنتى ق.توقاەۆقا ءوزىنىڭ ىستىق سالەمى مەن ىقىلاسىن جولداپ, قازاقستان حالقىنا ودان ءارى وركەندەۋ مەن جوعارى جەتىستىكتەر تىلەدى.