سەنبى, 30 ناۋرىز 2013 1:59
«اگرارلىق نەسيە كورپوراتسياسى» اق اۋىل شارۋاشىلىعى تاۋار وندىرۋشىلەردىڭ 1 ملن. گەكتاردان استام جەرگە كوكتەمگى ەگىس جۇمىستارىن جۇرگىزۋ ءۇشىن بەرگەن وتىنىشتەرىن ماقۇلدادى
«اگرارلىق نەسيە كورپوراتسياسى» اق رەسپۋبليكالىق بيۋدجەت قارجىسى اياسىندا اگروونەركاسىپ كەشەنى نىساندارىن قولداۋ ماقساتىندا كوكتەمگى ەگىن ەگۋ جۇمىستارىن جۇرگىزۋگە نيەت ءبىلدىرگەن اۋىل شارۋاشىلىعى تاۋار ءوندىرۋشىلەرىنىڭ جالپى سوماسى 26 ملرد. تەڭگە بولاتىن وتىنىشتەرىن ماقۇلدادى, بۇل قارجى بيىلعى كوكتەمدە 1 ملن. گەكتاردان استام القاپقا ەگىن ەگۋگە مۇمكىندىك بەرەدى.
سەنبى, 30 ناۋرىز 2013 1:59
«اگرارلىق نەسيە كورپوراتسياسى» اق اۋىل شارۋاشىلىعى تاۋار وندىرۋشىلەردىڭ 1 ملن. گەكتاردان استام جەرگە كوكتەمگى ەگىس جۇمىستارىن جۇرگىزۋ ءۇشىن بەرگەن وتىنىشتەرىن ماقۇلدادى
«اگرارلىق نەسيە كورپوراتسياسى» اق رەسپۋبليكالىق بيۋدجەت قارجىسى اياسىندا اگروونەركاسىپ كەشەنى نىساندارىن قولداۋ ماقساتىندا كوكتەمگى ەگىن ەگۋ جۇمىستارىن جۇرگىزۋگە نيەت ءبىلدىرگەن اۋىل شارۋاشىلىعى تاۋار ءوندىرۋشىلەرىنىڭ جالپى سوماسى 26 ملرد. تەڭگە بولاتىن وتىنىشتەرىن ماقۇلدادى, بۇل قارجى بيىلعى كوكتەمدە 1 ملن. گەكتاردان استام القاپقا ەگىن ەگۋگە مۇمكىندىك بەرەدى.
سونىڭ ىشىندە كوكتەمگى ەگىس جۇمىستارىن نەسيەلەۋ ماقساتىندا بۇگىنگى كۇنى اقمولا, قوستاناي جانە سولتۇستىك قازاقستان وبلىستارىنىڭ اۋىل شارۋاشىلىعى تاۋار ءوندىرۋشىلەرىن جالپى سوماسى 15 ملرد. 500 ملن. تەڭگەدەن اسا قاراجاتقا قارجىلاندىرىلدى.
بۇل قارجى اۋىل شارۋاشىلىعى تاۋار وندىرۋشىلەرىنىڭ ۋاقتىلى قاجەتتى شارالاردى وتكىزۋگە مۇمكىندىك بەرەدى, اتاپ ايتقاندا: جانار-جاعارمايدى ساتىپ الۋ; اۋىل شارۋاشىلىعى تەحنيكاسىن جوندەۋگە ارنالعان ماتەريالدار مەن قوسىمشا قۇرىلعىلار; مينەرالدى تىڭايتقىشتار, وسىمدىكتەردى قورعاۋ قۇرالدارى; اۋىلشارۋاشىلىق ءونىمىن ساقتاندىرۋ كەزىندە ساقتاندىرۋ جارناسىن تولەۋ.
2013 جىلى اگروونەركاسىپ سۋبەكتىلەرىن نەسيەلەۋ باعدارلاماسى بويىنشا كوكتەمگى ەگىس جانە جيىن-تەرىم جۇمىستارىن نەسيەلەۋ ءۇشىن كورپوراتسيا رەسپۋبليكالىق بيۋدجەت قارجىسى ەسەبىنەن 40 ملرد. تەڭگە ءبولۋدى جوسپارلاپ وتىر.
كوكتەمگى ەگىس جانە جيىن-تەرىم جۇمىستارىن نەسيەلەۋ شەڭبەرىندە رەسپۋبليكالىق بيۋدجەتتەن قارىزعا الىنعان قاراجات ەسەبىنەن وتكەن جىلى كورپوراتسيا ەگىس جانە جيىن-تەرىم جۇمىستارىن جۇرگىزۋ ءۇشىن 1 ملن. 500 مىڭ گەكتاردان استام القاپقا جالپى سوماسى 28 ملرد. تەڭگەدەن اسا قاراجات ءبولدى.
«اگرارلىق نەسيە كورپوراتسياسى» اق 2001 جىلى قر ۇكىمەتى قاۋلىسىمەن قۇرىلعان كومپانيا. نەگىزگى ماقساتى – اگرارلىق سالانى قازاقستان رەسپۋبليكاسى اگروونەركاسىپ كەشەنى سۋبەكتىلەرىن قولجەتىمدى نەسيەلەۋ جۇيەسىن دامىتۋ ارقىلى يندۋستريالاندىرۋ جانە ءارتاراپتاندىرۋ. كومپانيا «قازاگرو» ۇلتتىق باسقارۋشى حولدينگىنىڭ قۇرامىنا كىرەدى.
مارات اققۇل,
«ەگەمەن قازاقستان».