قازاقستاندىق تەننيسشى ميحايل كۋكۋشكين كاسىپقوي تەننيسشىلەر قاۋىمداستىعىنىڭ (ATP) جاڭارتىلعان الەمدىك رەيتينگىندە 13 ساتى جوعارىلاپ, 45-ورىنعا جايعاستى.
وتانداسىمىز جۋىردا عانا ۇلىبريتانيا استاناسى – لوندوندا وتكەن ۋيمبلدون تۋرنيرىنە قاتىسىپ, جارىستىڭ 1/8 كەزەڭىندە جاپونيالىق كەي نيسيكوريدەن جەڭىلگەن ەدى.
كۋكۋشكين الەمنىڭ ەڭ ۇزدىك توپ-50 تەننيسشىسى قاتارىنا كىردى. سونىمەن قاتار ەرلەر اراسىنداعى رەيتينگتە قازاقستاندىق تەننيسشى الەكساندر بۋبليك ءبىر ساتى تومەن سىرعىپ, 83-ورىنعا تۇراقتادى. ال تاعى ءبىر وتانداسىمىز الەكساندر نەدوۆەسوۆ ءتورت ساتى جوعارىلاپ, 196-ورىنعا كوتەرىلدى.
ۋيمبلدون ءتۋرنيرىنىڭ بيىلعى جەڭىمپازى سەربيالىق سپورتشى نوۆاك دجوكوۆيچ ATP رەيتينگىندەگى ءبىرىنشى ورنىن ساقتاپ قالدى. يسپانيالىق رافاەل نادال ەكىنشى ورىندا كەلەدى. ال شۆەيتساريالىق رودجەر فەدەرەر ۇزدىك ۇشتىكتى تۇيىندەپ تۇر.