سەيسەنبى, 19 ناۋرىز 2013 1:40
وبلىس اۋداندارى اراسىنداعى رەيتينگ بويىنشا ءاردايىم الدىڭعى ساپتان كورىنىپ جۇرەتىن ۇلى اقىن اتىنداعى ءوڭىر قوعامدىق ءومىردىڭ دە, شارۋاشىلىقتىڭ قاي جاعىنان بولسىن دا ونەگەلى ىستەرىمەن تانىمال. دامۋعا قارقىن قوسقان بىرقاتار جاڭاشىل باستامالار, الداعى مىندەتتەرگە نەگىز قالاعان ءىرى جوبالار وسى ايماقتا پايدا بولىپ, وزگەلەرگە ۇلگى تۇتىلىپ قوستالىپ جاتادى. جالپى العاندا ەگىن, كوكونىس جانە مال شارۋاشىلىعى باستى سالا سانالاتىن اۋداندا وڭ وزگەرىستەر باعىتى سوعان تۇزەلگەن. ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا ىسكە اسىرۋ العا قويىلعان جاڭا جوبالاردىڭ ماقسات-مىندەتى دە سول.
سەيسەنبى, 19 ناۋرىز 2013 1:40
وبلىس اۋداندارى اراسىنداعى رەيتينگ بويىنشا ءاردايىم الدىڭعى ساپتان كورىنىپ جۇرەتىن ۇلى اقىن اتىنداعى ءوڭىر قوعامدىق ءومىردىڭ دە, شارۋاشىلىقتىڭ قاي جاعىنان بولسىن دا ونەگەلى ىستەرىمەن تانىمال. دامۋعا قارقىن قوسقان بىرقاتار جاڭاشىل باستامالار, الداعى مىندەتتەرگە نەگىز قالاعان ءىرى جوبالار وسى ايماقتا پايدا بولىپ, وزگەلەرگە ۇلگى تۇتىلىپ قوستالىپ جاتادى. جالپى العاندا ەگىن, كوكونىس جانە مال شارۋاشىلىعى باستى سالا سانالاتىن اۋداندا وڭ وزگەرىستەر باعىتى سوعان تۇزەلگەن. ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا ىسكە اسىرۋ العا قويىلعان جاڭا جوبالاردىڭ ماقسات-مىندەتى دە سول.
ايتا كەتۋ كەرەك, ءوڭىر كەلەشەگىنە بايلانىستى ومىرشەڭ جوبالاردىڭ ەڭ تاڭداۋلىسىن ىرىكتەپ, ۇتىمدىسىن تاۋىپ ۇسىنا بىلۋگە تالاپشىلدىق وسى اۋدانعا ءتان ءۇردىس. بيىل وبلىستىق يندۋستريالاندىرۋ كارتاسىنا 6 بىردەي جوبانىڭ ەنگىزىلۋى سونىڭ ناقتى ايعاعى. بىردەي دەۋىمىزدىڭ سەبەبى, وبلىستا وسىنشا جوبا جولىن بولدىرۋعا بەل بۋعان بىردەن-ءبىر ءوڭىر وسى.سوندا بۇلاردىڭ ەرەكشەلىگى نەدە دەسەك, قاي-قايسىسى دا ايماق ەكونوميكاسىنىڭ ەرتەڭگى تىنىسىن تىڭنان سەرپىلتۋگە, قولداعى مۇمكىندىك قۇلاشىن كەڭەيتۋگە, قالىپتاسقان ءۇردىستى ۇيلەسىمدى جاڭعىرتۋعا نەگىزدەلگەن. ماسەلەن, كوكونىس, كارتوپ وسىرۋمەن اتاقتى كوكسۋداعى «شانس» شارۋا قوجالىعى ەندى ونىمەن بىرگە جىلقى ت ۇلىگىن ءوربىتۋدى مىقتاپ قولعا الۋدى باستادى. ونىڭ تۇقىمىن اسىلداندىرۋ ارقىلى, اسىرەسە, ەتتىك ءتۇرى تۇلەتىلەدى. قىمىز وندىرۋگە دە دەن قويىلادى. كەلەسى جىلى جالپى سانى 1 مىڭعا جەتەدى. قاراعاندى, اباي, تەمىرتاۋ, شاحتينسك قالالارىنان الىس ەمەس شارۋاشىلىقتىڭ كوزدەگەنى ولاردىڭ تۇرعىندارىنا سەمىز سوعىم دايىنداپ تۇرۋمەن قوسا, سونداي-اق, ودان ۇلتتىق ۇردىستە جاسالاتىن قازى, شۇجىقتى برەندتىك تاعامعا اينالدىرۋ, ەكسپورتقا شىعارۋ بولىپ تابىلادى.كوكسۋ دەمەكشى, وسى اۋىل كاسىپكەرلەرىنىڭ تاعى ءبىر ىنتاشىلدارى, اتاپ ايتقاندا, « استرو-اگرو» جشس ەتتىك-سۇتتىك باعىتتاعى تاۋارلى فەرماسىن قۇرۋعا كىرىستى. مۇندا «اۋليەكول», قازاقتىڭ اقباس سيىرى سەكىلدى اسىل تۇقىمدى مالداردىڭ 600 قاراسى باعىلىپ-كۇتىلەدى. جازدا ءوز اياعىنان ەركىن جايىلاتىن, قىستا جايلى قورالاردا ۇستالاتىن, قۇنارلى جەمشوپ قوڭدىلىعىن ساقتايتىن فەرمانىڭ جۇمىسىن ۇيىمداستىرۋ, ەڭبەك جاعدايىن ۇيلەستىرۋ دامىعان ەلدەردىڭ وسى تەكتەس قۇرىلىمدارىنان كەم سوقپايتىن بولادى. ال توپار كەنتىندە قىسى-جازى ۇزىلمەي كوكونىستىڭ ۇلكەن سۇرانىمعا ءتۇر-ءتۇرى ءوسىرىلەتىن جىلىجاي ونىمدەرى وسى كوكتەم باسىنان تۇتىنۋشىلارعا جەتىپ جاتىر. الۋ دا قيىن ەمەس, ارناۋلى دۇكەندەردە ساتىلادى. سىرت جەرلەردەن جەتكىزىلەتىندەردەن گورى توپارلىقتاردىڭ كوكونىستەرى سورەلەردە كوپ تۇرمايدى.وبلىستى كارتوپ, قيار, ءسابىز, تاعى باسقا كوكونىستەرمەن قامتاماسىز ەتە الاتىن اۋدان ءداندى داقىلداردىڭ بالامالى تۇرلەرىن ءوسىرۋدى كوبەيتۋگە دە باسىمدىق بەرىپ وتىر. سونىڭ ىشىندە بۇرشاق, مايلى, وسىمدىكتەر, كوپ جىلدىق شوپتەر كولەمى بيىل ەكى ەسەگە ۇلعايتىلادى. ماسەلەن, «تاتۋين» جشس وڭىردە العاشقىلاردىڭ ءبىرى بولىپ زىعىر وسىرۋگە ءبىرجولا بەت بۇردى. اتالعان جوبالاردى ىسكە اسىرۋعا 400-گە تارتا جاڭا جۇمىس كۇشى تارتىلادى.الدىمەن كارتوپ ءوسىرۋ جاعىنان اتاعى الىسقا ايان اۋداندا بۇل ءونىمنىڭ ۆيرۋس جۇقتىرمايتىن تۇقىمىن قالىپتاستىرۋ بويىنشا اۋىل شارۋاشىلىعى عىلىمدارىنىڭ دوكتورى, پروفەسسور گەننادي ءليدىڭ جەتەكشىلىگىمەن جۇرگىزىلگەن سەلەكتسيالىق جۇمىستار ءوز ناتيجەسىن بەردى. بۇعان دەيىن گوللانديا تۇقىمىن وتىرعىزىپ كەلگەن جەرگىلىكتى كارتوپشىلار بۇدان بىلاي قاراي وعان قول جايماي ءتول تۇقىمعا قولدانۋعا كوشەتىن بولدى.بۇل كۇندە شەرۋباي-نۇرا, ەسەن, نۇرا وزەندەرى بويىنداعى توپىراعى قۇنارلى, ءشوبى شۇيگىن بۇل ايماقتىڭ ساي-سالاسى سۋعا تولىپ, جەر نارلەنە تۇسۋدە. جەرگىلىكتى ەڭبەككەرلەر بەرەكە كوزىن بارىنشا ۇقساتىپ قالۋعا ۇمتىلۋدا.
ايقىن نەسىپباي, «ەگەمەن قازاقستان».
قاراعاندى وبلىسى,اباي اۋدانى.