بۇگىنگى كۇنگە دەيىن 103 وتباسى, ياعني 617 ادام كەنشىلەر قالاسىنا قونىس اۋداردى. بيىل «نۇرلى جەر» باعدارلاماسى اياسىندا باسپانالار قۇرىلىسى مەن ولارعا ينجەنەرلىك-كوممۋنيكاتسيالىق جەلىلەردى تارتۋعا مەملەكەتتىك قازىنادان 17 ملرد. تەڭگە قاراستىرىلدى.
وبلىستىق قۇرىلىس باسقارماسىنىڭ مالىمەتىنشە,بيىل كوپبالالى وتباسىلار ءۇشىن ەكىباستۇز, اقسۋ قالالارىنان پاتەرلەر ساتىپ الىنۋدا.
ساتىپ الۋ ءتارتىبى بويىنشا, پاتەرلەردىڭ جالپى اۋماعى 60 شارشى مەتر, قۇنى 8,4 ميلليون تەڭگە بولۋ كەرەك. رەسپۋبليكالىق بيۋدجەتتەن بولىنگەن 1,2 ملرد. تەڭگەگە 143 پاتەر ساتىپ الىنباق. كەلەسى جىلى كوپبالالى وتباسىلارعا ارنالعان تۇرعىن ۇيلەردى جاڭادان سالىپ, قولدانىسقا بەرۋ جوسپارلانۋدا.
مامىر ايىندا 57 كوپبالالى وتباسى اقسۋ قالاسى استانا كوشەسى, 58 مەكەنجايىنان پاتەرلەر الدى. جىل سوڭىنا دەيىن تاعى دا ەكى شاعىن اۋداننان تاعى 56 جەر ءۇي قولدانىسقا بەرىلمەك.
قازىر وبلىس ورتالىعىنداعى سارىارقا شاعىن اۋدانىندا 8 ءۇيدىڭ قۇرىلىسى جۇرگىزىلۋدە. دوستىق شاعىن اۋدانىن سالۋعا قاجەت ينجەنەرلىك جەلىلەر قۇرىلىسى دا بيىل اياقتالماق.
شاعىن اۋداننىڭ 95 گەكتار جەرىنەن 7552 پاتەر تۇرعىزىلادى. جاڭا جانە ەكىنشى نارىقتاعى باسپانالاردى «تۇرعىن ءۇي قۇرىلىس جيناق بانكى» ارقىلى الۋعا بولادى.
پاۆلودار وبلىسى
سۋرەتتى تۇسىرگەن ۆالەري بۋگاەۆ