كەلىسسوزدەر بارىسىندا ەكىجاقتى ءوزارا ءىس-قيمىلدىڭ وزەكتى ماسەلەلەرى بويىنشا بارىنشا پىكىر الماسىپ, پەرسپەكتيۆالى باعىتتار ايقىندالدى جانە ساۋدا-ەكونوميكالىق ىنتىماقتاستىقتى تەرەڭدەتۋگە باعىتتالعان بىرلەسكەن جوسپارلار بەلگىلەندى. ونەركاسىپتىك كووپەراتسيا مەن ينۆەستيتسيالىق ىنتىماقتاستىقتى, سۋ-ەنەرگەتيكا سالاسىن دامىتۋ, شەكارا ماڭى ىنتىماقتاستىعىن نىعايتۋ, سونداي-اق تسيفرلاندىرۋ جانە عارىش سالالارىندا بىرلەسكەن جوبالاردى ىسكە اسىرۋ ماسەلەلەرىنە ەرەكشە كوڭىل ءبولىندى.
2018 جىلى ەكى ەل اراسىنداعى تاۋار اينالىمىنىڭ كولەمى 13%-عا ءوسىپ, $850 ملن-عا جۋىق بولدى. قازىرگى كەزدە قازاقستان جانە قىرعىزستان ۇكىمەتتەرى 2020 جىلعا قاراي ءوزارا ساۋدا كولەمىن $1 ملرد-قا دەيىن ارتتىرۋ ءۇشىن جۇمىستار جۇرگىزۋدە.ءوز كەزەگىندە, قر ۇكىمەتىنىڭ باسشىسى اسقار مامين ەكىجاقتى جانە وڭىرلىك ساۋدا سالالارىنداعى ەداۋىر الەۋەتتى اتاپ ءوتىپ, ىسكەرلىك احۋالدى جاقسارتۋ جانە شاعىن جانە ورتا بيزنەستى قولداۋ ارقىلى ورتالىق-ازيالىق ايماققا ينۆەستيتسيالار تارتۋ بويىنشا ەلدەردىڭ بىرلەسكەن كۇش-جىگەرىن بىرىكتىرۋدىڭ ماڭىزدىلىعىن جەتكىزدى.
قر پرەمەر-ءمينيسترى اسقار ءماميننىڭ قىرعىزستانعا رەسمي ساپارى اياسىندا بىرقاتار قۇجاتتارعا قول قويىلدى: