سەنبى, 16 اقپان 2013 8:07
دۇكەندەردە كۇندەلىكتى كورىپ جۇرگەنىمىزدەي كۇنباعىس مايىنىڭ ءتۇر-ءتۇرى تولىپ تۇر. تاڭداۋ – وزىڭىزدە. جالپى, وبلىستىڭ تۇراقتاندىرۋ قورىنا كۇنباعىس مايى ورال قالاسىنان جەتكىزىلەدى. وبلىستىق اۋىل شارۋاشىلىعى باسقارماسىنىڭ مالىمەتتەرىنە سۇيەنسەك, وڭىردە كۇنباعىس تۇتىنۋشى سۇرانىسىنان ەكى ەسە ارتىق ءوسىرىلەدى ەكەن. تەك, ونى وڭدەيتىن كاسىپورىندار تاپشى. ال, قاشىر اۋدانىندا بۇل شارۋانى «Green Hause» سەرىكتەستىگى قولعا الىپتى.
سەنبى, 16 اقپان 2013 8:07
دۇكەندەردە كۇندەلىكتى كورىپ جۇرگەنىمىزدەي كۇنباعىس مايىنىڭ ءتۇر-ءتۇرى تولىپ تۇر. تاڭداۋ – وزىڭىزدە. جالپى, وبلىستىڭ تۇراقتاندىرۋ قورىنا كۇنباعىس مايى ورال قالاسىنان جەتكىزىلەدى. وبلىستىق اۋىل شارۋاشىلىعى باسقارماسىنىڭ مالىمەتتەرىنە سۇيەنسەك, وڭىردە كۇنباعىس تۇتىنۋشى سۇرانىسىنان ەكى ەسە ارتىق ءوسىرىلەدى ەكەن. تەك, ونى وڭدەيتىن كاسىپورىندار تاپشى. ال, قاشىر اۋدانىندا بۇل شارۋانى «Green Hause» سەرىكتەستىگى قولعا الىپتى.
كۇنباعىس مايىن شىعاراتىن بۇل زاۋىت اۋداندا جۇزەگە اسىرىلىپ وتىرعان العاشقى ينۆەستيتسيالىق جوبالاردىڭ ءبىرى. بۇعان دەيىن اۋدان «بەرەگوۆوە» دەگەن كۇنباعىس مايىمەن اتى شىقسا, ەندى «راحمەت» دەگەن كۇنباعىس مايى شىعارىلادى. كاسىپورىن وڭىردەگى كۇنباعىس مايىنا دەگەن تۇتىنۋ كولەمىنىڭ 30 پايىزىن قامتي الادى. جالپى, كۇنباعىس وسىرۋدە بۇۇ-نىڭ ەسەبى بويىنشا رەسەي ءبىرىنشى ورىندا تۇرعان كورىنەدى. ءبىزدىڭ وبلىستا دا كۇنباعىس وسىرىلەدى. دارىگەرلەر كۇنباعىستىڭ اتەروسكلەروز, ينفاركت ميوكاردى, جۇرەك-قان تامىرلارى اۋرۋلارىنا, باۋىردى ساقتاۋدا پايداسى بار دەيدى. ونىڭ قۇرامىندا حولەستەرين جوق.
اۋدان اكىمى نۇرلان كۇلجاننىڭ ايتۋىنشا, اۋداندا «بيزنەستىڭ جول كارتاسى-2020» باعدارلاماسى اياسىندا وتكەن جىلى 1043 ورتا جانە شاعىن كاسىپكەرلىك تىركەلگەن. ولاردىڭ بىرقاتارى وسى باعدارلامانىڭ پايداسىن كورۋدە. مىسالى, بەسجان اۋىلدىق اۋماعىنا قاراستى «گيگانت» سەرىكتەستىگىنىڭ باسشىسى ۆ.سولداتەنكو ءوز بيزنەسىن كەڭەيتۋگە نيەت ءبىلدىرىپ, 13,5 ميلليون تەڭگە, فەدوروۆكا اۋىلدىق اۋماعىندا «زۋەنكو» شارۋا قوجالىعى مال شارۋاشىلىعىن دامىتۋعا 12,8 ميلليون تەڭگە نەسيە الىپتى. بۇگىنگى كۇنى اۋداندا اۋىلشارۋاشىلىق ونىمدەرىن وڭدەيتىن 9 ناۋبايحانا, 6 كۇنباعىس مايىن شىعاراتىن تسەح, 3 ديىرمەن, 2 شۇجىق تسەحى, 2 كۇنباعىس تۇقىمىن دايىندايتىن تسەح, ءسۇت وڭدەيتىن 3 تسەح جۇمىس جاسايدى. بىلتىر 644,1 توننا نان-توقاش ونىمدەرى, 754,8 توننا كۇنباعىس مايى, 60,1 توننا شۇجىق ونىمدەرى, 55,9 توننا كۇنباعىس تۇقىمى, 187,3 توننا ءسۇت ونىمدەرى وندىرىلگەن. ال, اۋدان ورتالىعى تەرەڭكول اۋىلىنداعى «Green Hausە» سەرىكتەستىگىنىڭ كۇنباعىس مايى وسكەمەن, رەسەيدەن كەلەتىن كۇنباعىس مايىمەن ساپاسى بىردەي, باسەكەگە قابىلەتتى. زاۋىت تازارتىلىپ, پلاستماسسا قۇتىعا قۇيىلعان كۇنباعىس مايىن شىعارادى. كۇنىنە 300 ليتر ماي وندىرىلەدى. مۇندا جىلىنا 20 مىڭ توننا كۇنباعىس تۇقىمى قابىلدانىپ, 8 مىڭ توننا دايىن كۇنباعىس مايىنىڭ تازارتىلعان كۇيدەگى ساپالى ءونىمى اۋدان جانە وبلىس تۇتىنۋشىلارىنا جول تارتۋدا. كاسىپورىن بۇل زاۋىتتى ىسكە قوسۋدا تازارتىلعان كۇنباعىس مايىن شىعاراتىن تۇركيالىق قوندىرعىلار ورناتىپ, زاۋىت عيماراتىنىڭ ءىشى-سىرتى, ءوندىرىس ورىندارى مەن قويمالارى تالاپقا ساي جوندەلدى. بۇل ءۇشىن 200 ميلليوننان استام قارجى جۇمسالدى. ارقايسىسىنىڭ سىيىمدىلىعى 3 مىڭ توننادان تۇراتىن قويمالار, اۋدان مەن وبلىس اۋماعىنان جەتكىزىلەتىن ونىمدەردى قابىلداپ, كەپتىرىپ, زاۋىتتىڭ ءونىمدى دايىندايتىن ورىندارىنا جەتكىزىلەدى. بۇگىنگى كۇنى مۇندا جۇمىس ءىستەيتىن مامانداردىڭ بارلىعى وقىتىلىپ, 30-دان استام اۋىل تۇرعىندارى جۇمىسقا تارتىلدى.
اۋدان اكىمى نۇرلان كۇلجاننىڭ ايتۋىنشا, اۋداندا بيىل «جاس نۇر» سەرىكتەستىگى بوبروۆكا اۋىلدىق اۋماعىندا سۋارمالى داقىلداردى وسىرەتىن القاپ, «يزوكلينكەر-kz» سەرىكتەستىگى گەرمانيانىڭ كلينكەر فيرماسىنىڭ تەحنولوگياسى نەگىزىندە كەراميكالىق پليتكالار, «ەرجان» فەرمەرلىك شارۋاشىلىعى بەكىرە تۇقىمداس بالىقتاردى وسىرۋگە ارنالعان زاۋىت اشپاقشى, ياعني 3 ينۆەستيتسيالىق جوبانى ىسكە قوسۋ جۇمىستارى ءجۇرىپ جاتىر. كاسىپورىن باسشىسى جاسىباي نىعمانوۆتىڭ ايتۋىنشا, ءونىم ساپا جاعىنان دا جوعارى باعاعا يە. قاجەتتى وندىرىستىك قۇرال-جابدىقتار تۇركيادان جەتكىزىلگەن.
فاريدا بىقاي,
«ەگەمەن قازاقستان.
پاۆلودار وبلىسى.