كاسىپكەرلىك جانە تۋريزم باسقارماسىنىڭ باسشىسى قۇرالاي جاروۆانىڭ ايتۋىنشا, ازىق-ت ۇلىك, كيىم-كەشەك, جيھاز بەن ەلەكترونيكانى وندىرۋمەن اينالىسامىن دەگەندەر ءۇشىن ەل بويىنشا نەسيەلەندىرۋگە 600 ميلليارد تەڭگە كولەمىندە قاراجات قاراستىرىلعان. مەحانيزم بىلتىر جەلتوقسان ايىندا ىسكە قوسىلعانىمەن, وڭىردە بار-جوعى 2 جوبا عانا قارجىلاندىرىلىپتى.
«قارجىلاندىرۋدىڭ جاڭا مەحانيزمى بويىنشا اۋداندار مەن پەتروپاۆل قالاسى اكىمدىگى 73 جوبا ۇسىندى. ولاردىڭ قۇنى 59,5ميلليارد تەڭگەنى قۇرايدى. ەكىنشى دەڭگەيلى بانكتەردىڭ قاراۋىنا 1 ميلليارد 150 ميلليون تەڭگەنىڭ 3 ءوتىنىشى بەرىلدى», دەيدى ق.جاروۆا.
الايدا, اقجار, تيميريازەۆ, مامليۋت, شال اقىن اۋداندارىندا قوزعالىس مۇلدەم بايقالمايدى. اۋدان اتقامىنەرلەرى وتىنىشتەر بانك قاراۋىنا جىبەرىلدى دەپ اقتالعانىمەن, بۇل اقپاراتتاردى قارجى ينستيتۋتتارى راستاي الماعان. جەرگىلىكتى جەرلەردە قاراپايىم زاتتار ەكونوميكاسى ساناتىنا جاتاتىن تاۋارلاردىڭ ساتىلماۋى تۇرعىنداردىڭ بەلسەندىلىگىنە كەرى اسەر ەتىپ وتىر.
مەملەكەتتىك مەكەمەلەر وزدەرىنىڭ جۇمىستارىنا قاجەتتى دۇنيەلەردى ساتىپ الۋعا 840 ميلليون تەڭگە جۇمساعان. ونىڭ ىشىندە جەرگىلىكتى جەردە وندىرىلگەن تاۋارلارعا تەك 22,6 ميلليون تەڭگە عانا باعىتتالعان. بۇل – جالپى سومانىڭ 2,7 پايىزى عانا.
بيىل مەملەكەتتىك ساتىپ الۋلارداعى جەرگىلىكتى تاۋار ۇلەسىن 20 پروتسەنتكە دەيىن جەتكىزۋ مىندەتى تۇر.