دوستىق ءۇيىنىڭ اپا-اجەلەرى شاشۋ شاشىپ, پوەزدان تۇسكەن بەتتە كەلگەن بالالار ءبىر ءماز بولىپ قالدى. قالالىق ءبىلىم ءبولىمىنىڭ باستىعى ناتاليا فەسەنكو بالالار شىعىس قازاقستان وبلىسى بويىنشا ءۇش لاگەردە دەمالاتىندىقتارىن ايتتى. وسكەمەننىڭ گلۋبوكوە اۋدانىنداعى ۇلبىدەگى «دارىن» لاگەرى, كاتون-قاراعايداعى دەمالىس لاگەرى جانە سەمەيدەگى «قاراعايلى» بالالاردى ساۋىقتىرۋ لاگەرلەرلەرى بالالاردى قابىلداۋعا ءازىر.
- شىمكەنتتەن جول ءجۇرىپ كەلدىك, - دەدى بالالاردى ارىستان ارنايى اكەلگەن توپ جەتەكشىسى فاريزا تۋرىمبەتوۆا, - ءبىزدىڭ بالالارعا وسىنشاما قامقورلىق جاساپ جاتقان اباي ەلىنە, سەمەي حالقىنا ريزامىز. پوەزدا بارلىعى جايلى, جاقسى كەلدى. قيىن-قىستاۋ ساتتە قامقورلىق تانىتقاندارىڭىزعا كوپ راحمەت!
تاربيەشىلەردىڭ ايتۋىنشا, بالالار لاگەردە تىنىعىپ, ءتۇرلى سپورتتىق جارىستارعا, ويىندارعا قاتىسادى. تەگىن دەمالىپ, جاقسى كۇش-قۋات جيناماق.
راۋشان نۇعمانبەكوۆا,
«ەgemen Qazaqstan»
سۋرەتتى تۇسىرگەن اۆتور