سىندارلى كەزدەسۋ

كەشە باس پروكۋرور ق.ءمامي مەن رەسەي فەدەراتسيا­سىنىڭ قازاقستان رەسپۋب­لي­كاسىنداعى توتەنشە جانە وكىلەتتى ەلشىسى م.بوچارنيكوۆتىڭ كەزدەسۋى ءوتتى. كەزدەسۋ بارىسىندا باس پرو­كۋرور رەسەي ەلشىلىگىنىڭ باسشى­سىن رەسپۋب­ليكالىق قۇقىق قورعاۋ ورگاندارىنىڭ جۇيەسىندە ەلىمىزدەگى پروكۋراتۋرانىڭ ازاماتتاردىڭ قۇقىقتارى, بوستان­دىقتارى مەن زاڭدى مۇددەلەرىن قامتاماسىز ەتەتىن قۇقىقتىق قۇرال رەتىندەگى ءرولى جونىندە حاباردار ەتتى. وتكەن جىلدىڭ اياعىندا رەسەي فەدەرا­تسيا­سى تاراپىنان تمد-نىڭ 1998 جىلعى 6 ناۋرىزداعى باس بوستان­دى­عى­نان ايىرىلعانداردى ودان ءارى جازاسىن وتەۋ ءۇشىن بەرۋ تۋرالى كون­ۆەنتسياسىن بەكىتۋ ناتيجەسىندە قازىرگى ۋاقىتتا ەكى مەملەكەت سوت­تال­عانداردى ەلدەرىنە قايتارۋ ءجو­نىن­دەگى وتىنىشتەرىن ويداعىداي قا­راۋ مۇمكىندىگىنە يە بولعانى اتاپ ءوتىلدى. بۇگىنگى تاڭدا ءبىزدىڭ ءتورت ازا­مات­قا قاتىستى رەسەيلىك ۇكىمدەردى ورىنداۋ جونىندەگى باس پروكۋ­رور­دىڭ ۇسىنىس­تارىن قازاقستاندىق سوتتار قاراستىرىپ, قاناعاتتان­دىر­دى. تاراپتار ەكى ەلدىڭ قۇقىق قور­عاۋ ورگاندارىنىڭ قىلمىستى­لىق­قا قارسى كۇرەس جانە قىل­مىس­تىق ىستەر بويىنشا ءوزارا قۇقىق­تىق كومەك كورسەتۋ سالاسىنداعى ءىس-قيمىلدارىنىڭ تيىمدىلىگى جونىندە ىقىلاسپەن اتاپ ءوتتى. كەزدەسۋ ناتيجەسىندە تاراپتار ەكى ەل ارا­سىنداعى ىنتىماق­تاستىقتى ودان ءارى نىعايتۋ جونىندە كەلىسىمگە كەلدى, دەپ حابارلادى باس پروكۋراتۋرانىڭ ءباسپاسوز قىزمەتى.