• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
ايماقتار 09 شىلدە, 2019

سدۋ قولدانبالى عىلىم سالاسىنا ەرەكشە كوڭىل بولەدى

750 رەت
كورسەتىلدى

بيىلعى جىلى 117 مىڭنان استام قازاقستاندىق تۇلەك ۇلتتىق بىرىڭعاي تەستىلەۋگە قاتىسۋعا ۇسىنىس بىلدىرگەن. بارلىق وتاندىق جوعارى وقۋ ورىندارىمەن قاتار س.دەميرەل اتىنداعى ۋنيۆەرسيتەتكە تالاپكەر تاپسىرىس بەرىپ ۇلگەردى.

ۋنيۆەرسيتەت بيىلعى جىلى رانجيرلەۋ ناتيجەلەرى بويىنشا 2019 جىلى سدۋ «ەسەپتەۋ تەحنيكاسى جانە باعدارلامالىق قامتاماسىز ەتۋ» ماماندىعى بويىنشا ۇاار رەيتينگىسىندە ەل بويىنشا 1-ورىندى يەلەنەدى. وسى رەيتينگتە جوو «پەداگوگيكالىق ماتەماتيكا» ماماندىعى بويىنشا 1-ورىن جانە «عىلىمي ماتەماتيكا» ماماندىعى بويىنشا 2-ورىن الادى. تەحنيكالىق ماماندىقتاردان باسقا ءبىلىم بەرۋ ساپاسىن قامتاماسىز ەتۋ جونىندەگى تاۋەلسىز اگەنتتىكتىڭ رەيتينگىسىندە  «اۋدارما ءىسى» ماماندىعى 2-ورىندى يەلەندى. ەل بويىنشا توپ-3 قۇرامىنا «فيلولوگيا», «شەت ءتىلى», «مەنەدجمەنت», «اقپاراتتىق جۇيەلەر», «ەسەپ جانە اۋديت», «تاريح» ماماندىقتارى كىردى. ۋنيۆەرسيتەتكە قابىلداۋ باكالاۆريات, ماگيستراتۋرا جانە دوكتورانتۋرا باعدارلامالارىنا جۇرگىزىلەدى.

قابىلداۋ كوميسسياسىنىڭ ساراپشىلارى تالاپكەرلەرگە قۇجاتتاردى تاپسىرۋ جانە قابىلداۋ پروتسەدۋراسىنىڭ قىر-سىرىن تۇسىنۋگە كومەكتەسەدى. بيىل تالاپكەرلەر ءوز ساۋالنامالىق مالىمەتتەرىن ۇيدەن شىقپاي-اق, ونلاين رەجيمىندە تولتىرا الادى. ولار ۋنيۆەرسيتەتكە قۇجاتتاردى سالىستىرۋ ءۇشىن جانە كەلىسىم-شارتقا قول قويۋ ءۇشىن عانا كەلۋى مۇمكىن. بۇرىن بۇل پروتسەسس وتە كوپ ۋاقىت پەن كۇش تالاپ ەتەتىن, سەبەبى ورتا ەسەپپەن ساۋالنامالىق دەرەكتەردى تولتىرۋعا تالاپكەرگە 20-30 مينۋتتان كەتتى, كەيدە ولار كەزەكتە بىرنەشە ساعاتتان كۇتۋگە تۋرا كەلەتىن. ەگەر تالاپكەرلەردىڭ ۇيدە ساۋالناما تولتىرۋ مۇمكىندىگى بولماسا, وندا ولار مۇنى ۋنيۆەرسيتەتتە جاساي الادى. ول ءۇشىن جوو-دا بىرقاتار كومپيۋتەرلىك سىنىپتار جابدىقتالعان. بۇل پروتسەسس تالاپكەرلەر مەن ولاردىڭ اتا-انالارى ءۇشىن كۇتۋ ۋاقىتىن قىسقارتۋعا مۇمكىندىك بەرەدى. بيىل قابىلداۋ ناۋقانىنىڭ ەرەكشەلىكتەرى مەن وزگەرىستەرى وتە كوپ, دەگەن پىكىردە وقۋ ورنىنىڭ ساراپشىلارى.

- بيىلعى جىلدىڭ نەگىزگى ەرەكشەلىگى: تالاپكەر ۇرەيسىز جانە كۇيزەلىسسىز وتپەلى بالل (50 بالل, پەداگوگيكالىق ماماندىقتار ءۇشىن-60 بالل) ۇبت-نى  جىل بويى 4 رەت تاپسىرا الادى: قاڭتار, ناۋرىز, ماۋسىم جانە تامىز ايلارىندا. بۇل رەتتە ول ۇبت ءاربىر تاپسىرۋ كەزىندە بەيىندىك پاندەردى اۋىستىرۋعا مۇمكىندىگى بار. ايتالىق, قاڭتار ايىندا وقۋشى ءبىر ماماندىقتى تاڭداپ, «ماتەماتيكا-گەوگرافيا» بەيىندىك پاندەرىن تاپسىردى, بىراق تامىز ايىنا قاراي باسقا ماماندىقتى تاڭداپ, بەيىندىك ءپان رەتىندە «دۇنيەجۇزى تاريحى شەت ءتىلى» ءپانىن تاپسىرۋدى شەشەدى. ايتا كەتۋ كەرەك, مەملەكەتتىك ءبىلىم گرانتتارى كونكۋرسىنا ۇبت سەرتيفيكاتىمەن قاتىسۋعا بولادى, - دەپ اتاپ ءوتتى قابىلداۋ كوميسسياسىنىڭ باس ساراپشىسى, سدۋ بيزنەس مەكتەبى پروفەسسورى اسسيستەنتى دينارا سارسەنوۆا.

ايعانىم مەتەرباي

الماتى

سوڭعى جاڭالىقتار