سۋبۇرقاقتا بالىقتار ءجۇر

تۇقى تۇقىمداسىنا جاتاتىن موڭكەلەردىڭ ۇزىندىعى 45-سم بولسا, سالماعى 2 كيلو تار­تادى. توعانداردا وسىرىلەتىن كوپ­شىلىككە بەلگىلى بالىق. 

ەندى جاز بويى ولاردى كۇتىپ-باپتاۋمەن وسى وقۋ ورنىنىڭ وقىتۋشىسى پروفەسسور, بيولوگ الەكساندر ۋباسكيننىڭ جەتەك­شىلىگىندەگى بيولوگيا جانە ەكولوگيا كافەدراسىنىڭ ماماندارى اينالىسادى. 

ۋنيۆەرسيتەت اۋماعى جاز ايلارىندا Open Air رەجىمىندە جۇمىس ىستەيدى. قالا تۇرعىندارى, قىزىقتاپ كەلەتىن بالالار, قو­ناق­تار ءۇشىن سۋبۇرقاق الاڭى دەمالىس ورنىنا اينالۋدا. بۇل ستۋدەنتتەر, سونداي-اق وقۋعا ءتۇ­سۋگە كەلگەن مەكتەپ تۇلەكتەرى ءۇشىن دە قىزىقتى بولماق. 

بالىقتاردىڭ ەكىنشى لەگى سۋبۇرقاققا تۇسەتىن كۇن دە الىس ەمەس. 

اۋماقتا جەل, كۇن ەنەرگيالا­رىن الۋ ءۇشىن ارنايى الاڭدار جاسالعان. سونىڭ ارقاسىندا ستۋدەنتتەر ەنەرگيانىڭ بالاما­لى ءتۇرىن الۋ جولدارىمەن ءىس جۇزىندە تانىسۋدا. 

قازىر «اقىلدى قالالار» قاتارى كوبەيۋدە. نەشە ءتۇرلى ين­نوۆاتسيالىق جاڭالىقتاردى ەستيسىز. مىسالى, ەلوردامىزداعى ءتۇرلى بالىقتارعا تولى وكەا­ناريۋم گيننەستىڭ رەكوردتار كىتابىنا ەنگەن. 

قۇرعاق سۋبۇرقاق تا ەرەكشە. ات­قىلاپ الىپ, قايتا جوعالىپ كەتەتىن سۋبۇرقاق ەرىكسىز قىزىق­تى­رادى. نەشە ءتۇرلى اۋەندى سۋ بۇرقاقتار دا بار.

اتالمىش ءىستىڭ باسى-قاسىندا جۇرگەن عالىم الەكساندر ۋباس­كين – پوپۋلياتسيالىق ەكولو­گيا, بيوارتۇرلىلىك جانە يحتيولوگيا بويىنشا 150-گە جۋىق عىلىمي ەڭبەكتىڭ اۆتورى. بۇل جۇمىستار ءىس جۇزىندە ۇلكەن تاجىريبەلىك قولدانىسقا يە بولدى, ال جاڭاشىل يدەيالارى بىرەگەي عىلىمي اينالىمعا ەنگىزىلدى.