فيلارمونيانىڭ سەگىز سەرى اتىنداعى قازاق ۇلتتىق وركەسترىنىڭ مۇشەلەرى ەكى توپقا ءبولىنىپ, تۇرعىندار كوپ شوعىرلانعان اۋماقتاردا ونەر كورسەتتى. ولار ۆوكزال, ءىرى ساۋدا, ويىن-ساۋىق ورىندارىندا قازاقتىڭ تانىمال كۇيلەرى مەن تۋىندىلارىن ورىنداپ, دومبىرا ءۇنىن əۋەلەتتى. مۋزىكالىق كورىنىستى تاماشالاعانداردىڭ ءبىرى – قىزىلجارلىق پەتر پەرەزەرەي تەمىر جول ۆوكزالىندا دومبىراشىلاردىڭ ونەرىن قىزىعا تاماشالاپ, ەرەكشە ءتانتى بولعانىن جەتكىزدى.
«مەن ءنوۆوسىبىر قالاسىنا كوشكەلى وتىرمىن. سəبي كۇنىمنەن قازاقتىڭ ۇلتتىق ونەرىنە قانىعىپ ءوستىم. وسىنداي جاقسى كەرۋەننىڭ كۋəگەرى بولىپ, كەتىپ بارا جاتقانىما وتە قۋانىشتىمىن. قوناقجاي قازاق ەلىنە دەگەن ريزاشىلىعىم شەكسىز», دەيدى پەتر لەونيدوۆيچ.
قارا دومبىرانىڭ قوڭىر ءۇنى ادامدار كوپ شوعىرلانعان «راحمەت», «سوكول», «تايعا», «سيتي مولل» سەكىلدى ساۋدا نۇكتەلەرىندە, قوعامدىق-كوپشىلىك ورىنداردا دا اسقاقا ەستىلدى.
قالالىق «قازاق ءتىلى» قوعامىنىڭ توراعاسى داستەن بايمۇقانوۆتىڭ ايتۋىنشا, وسى كۇنى پەريناتالدىق ورتالىقتا دۇنيە ەسىگىن ءبىرىنشى بولىپ اشقان شاقالاققا دومبىرا تارتۋ ەتىلدى.