نەاپولدا ءوتىپ جاتقان جازعى ۋنيۆەرسيادا ويىندارىندا سپورتتىق گيمناستيكادان جەكەلەگەن جاتتىعۋلار بويىنشا فينالدىق باسەكە اياقتالدى. قازاقستاندىق ميلاد كاريمي گيمناستيكالىق كەرمەدەگى جاتتىعۋ بويىنشا كۇمىس جۇلدە جەڭىپ الدى. بۇل تۋرالى Olympic.kz حابارلادى.
كاريمي كەرمەدەگى جاتتىعۋدا 14.675 ۇپاي جيناپ, ەكىنشى ورىن يەلەندى. ءبىرىنشى ورىندا تايپەيلىك چيا حۋنگ تانگ, ءۇشىنشى ورىندا رەسەيلىك يۆان سترەتوۆيچ.
ەسكە سالا كەتەيىك, كاريمي قوسسىرىقتاعى جاتتىعۋدى ءتورتىنشى, ەركىن جاتتىعۋدى جەتىنشى, كوپسايىستى بەسىنشى ورىنمەن اياقتادى.
بۇل قازاقستان قورجىنىنا تۇسكەن ءتورتىنشى مەدال. بۇعان دەيىن دزيۋدوشى عالىمجان قىرىقباي التىن, گيمناست ناريمان كۋربانوۆ كۇمىس, ستەند اتۋشى سارسەنكۇل رىسبەكوۆا قولا جۇلدەگەر اتانعان.