«بۇگىن قالامىزداعى 1200 ورىندىق (2400 وقۋشى باراتىن) جاڭا ءبىلىم ورداسىنىڭ اشىلۋ سالتاناتى ءوتتى. بۇل مەكتەپ جەكە كاسىپكەردىڭ قاراجاتىنا سالىنىپ, زاماناۋي تالاپتارعا ساي جابدىقتالعان. ەسىگىن ايقارا اشقان بۇگىنگى مەكتەپكە ۇلى اقىن اباي قۇنانباەۆتىڭ 175-جىلدىعىنا وراي ەسىمى بەرىلدى. بۇل مەكتەپكە باراتىن بارلىق بالالاردىڭ تولەم اقىسىن مەملەكەت قارجىلاندىراتىن بولادى. بۇل جاڭا جۇيە نۇر-سۇلتان جانە شىمكەنت قالالارىندا ىسكە اسىرىلىپ جاتىر. قالادا باسقا دا مەكتەپتەردىڭ قۇرىلىسى جۇرۋدە. وسى كۇزدە بۇلدىرشىندەر جاڭا 5 مەكتەپتىڭ تابالدىرىعىن اتتايدى. وسىنداي يگى ءىستىڭ باسىندا بولىپ, ات سالىسقان بارشا ازاماتتارعا العىسىمدى بىلدىرەمىن. كوپتەگەن اتا-انالار وسىنداي ورتالىقتىڭ قاجەتتىگىن ايتقان بولاتىن. سول وتىنىشتەردى نەگىزگە الا وتىرىپ, دەرتكە شالدىققان بالالاردى ەمدەۋ ورنىن قالانىڭ ورتالىعىنان اشۋدى دۇرىس سانادىق», دەدى قالا باسشىسى سالتاناتتى جيىندا.
بولات وتەمۇراتوۆ اتىنداعى قوردىڭ ديرەكتورى مارات ايتماعانبەتوۆتىڭ ايتۋىنشا, بۇل - ەلىمىزدە جەتىنشى قالادا اشىلىپ وتىرعان ورتالىق. 2015 جىلدان بەرى ورتالىقتارعا 8 مىڭنان استام اۋتيزمگە شالدىققان بالا قارالعان. 2 مىڭنان استامى ءتيىمدى باعدارلامالاردى تولىق اياقتاپ ەم قونعان. قازىرگى تاڭدا, ورتالىقتارعا ەم الۋعا جەتى مىڭنان استامى كەزەككە تۇر.
شىمكەنتتە اشىلعان جاڭا ورتالىقتىڭ 6 بولمەسى بالالاردى دامىتۋ جانە تۇزەتۋ قۇرال-جابدىقتارمەن قامتىلعان.
قالا اكىمى ع. ءابدىراحىموۆ ورتالىقتى ارالاپ كورىپ, ناۋقاس بالالاردىڭ اتا-انالارىمەن تىلدەستى. ورتالىق باسشىسىمەن اڭگىمە بارىسىندا اتا-انالارعا دا پسيحولوگيالىق قولداۋ قاجەتتىگىن اتاپ ءوتتى.
ايتا كەتەيىك, شىمكەنتتە 4000-عا جۋىق بالاعا اۋتيزم دياگنوزى قويىلعان.