«ورتالىق» وڭىرلىك قولباسشىلىعىنىڭ تاربيە جانە الەۋمەتتىك-قۇقىقتىق جۇمىستار (تجاقج) باسقارماسىنىڭ جوسپارىنا جانە «رۋحاني جاڭعىرۋ» باعدارلاماسى نەگىزىندە مەملەكەتتىك ءتىلدىڭ قولدانىلۋ اياسىن كەڭەيتۋ, ونىڭ مارتەبەسى مەن ماڭىزىن كەڭىنەن ناسيحاتتاۋ, وزگە ۇلت وكىلدەرى اراسىندا قازاق ءتىلىن ءبىلۋ دەڭگەيىن كوتەرۋ جانە وقىپ-ۇيرەنۋگە دەگەن ىقىلاسى مەن قىزىعۋشىلىعىن ارتتىرۋ ماقساتىندا وزگە ۇلت قىزمەتكەرلەرى اراسىندا «مەملەكەتتىك ءتىل – مەنىڭ ءتىلىم» اتتى ىرىكتەۋ بايقاۋ وتكىزىلدى.
ەكى كۇنگە سوزىلعان بايقاۋعا قازاقستان رەسپۋبليكاسى ۇلتتىق ۇلانى «ورتالىق» وڭىرلىك قولباسشىلىعىنا قاراستى 6 اسكەري بولىمىنەن 6 اسكەري قىزمەتشى قاتىستى. بايقاۋ اياسىندا قاتىسۋشىلار مەملەكەتتىك ءتىلدىڭ ماڭىزدىلىعىنا توقتالا وتىرىپ, ءبىرىنشى ولار وزدەرىن جينالعان كوپشىلىككە ءوزى, وتباسى جانە قىزمەتى تۋرالى تانىستىردى. «ورلەۋ» نوميناتسياسى بويىنشا وتان, پاتريوتيزم, وتباسى, ەرلىك تاقىرىبىندا پاتريوتتىق تاقىرىپتا ماقال-ماتەلدەر مەن ناقىل سوزدەردى جاتقا ايتىپ, قازاقتىڭ عۇلامالارى مەن باتىرلارى جايىندا ساحنالىق قويىلىم كورسەتتى. بايانداۋ اينالىمىندا ولار پاتريوتتىق تاقىرىپتا ەلىمىزدىڭ اتا زاڭى, «قازاقستان كوپۇلتتى مەملەكەت», «ۇلتتىق ۇلان ەل ايبىندى», «قازاقستان رەسپۋبليكاسىنىڭ رامىزدەرى», تاعى باسقا تاقىرىپتاردا فوتو جانە بەينەمەن سۇيەمەلدەۋ ارقىلى باياندامالار جاسادى. اتالمىش بايقاۋعا قاتىسقاندار قازاق تىلىندە ءسوز ساپتاپ, ويلارىن كوپشىلىككە جەتكىزە ءبىلدى. سونداي-اق ولاردىڭ بويىنان مەملەكەتتىك تىلگە دەگەن سۇيىسپەنشىلىك پەن قۇرمەت تە بايقالدى.
سونىمەن قاتار بايقاۋعا قازاقستان رەسپۋبليكاسى ۇلتتىق ۇلانى تاربيە جانە الەۋمەتتىك-قۇقىقتىق جۇمىستار باس باسقارماسىنىڭ اعا وفيتسەرى, زاپاستاعى پودپولكوۆنيك بوتاگوز رىسپاەۆا, قوستاناي وبلىسى اكىمدىگى تىلدەردى دامىتۋ باسقارماسىنىڭ اعا مامانى ديانا قادىروۆا, «ءتىل دارىن» وقۋ ورتالىعىنىڭ ديرەكتورى جۇلدىز ەرباتىروۆا, قوستاناي وبلىستىق «قوستاناي تاڭى» گازەتىنىڭ ءجۋرناليسى, اقىن نۇرقانات قۇلاباەۆ جانە قوستاناي وبلىستىق «Qostanaı» تەلەارناسىنىڭ رەداكتورى – تەلەجۇرگىزۋشى زارينا نۇرعازينوۆا قازىلىق جاسادى.
قازىلار القاسى قاتىسۋشىلاردىڭ ءتىلدى مۇمكىندىگىنشە ەركىن مەڭگەرگەندىگىنە, ءتىل بايلىعىنا, ءتىل مادەنيەتىنە, داۋىس مانەرىنە, ساحنادا ءوزىن ءوزى ۇستاۋ مادەنيەتىنە, كيىم كيۋ ۇلگىلەرىنە باسا ءمان بەردى. سونىمەن, قازىلار القاسىنىڭ شەشىمىمەن ۇزدىك دەپ تانىلعان 3 اسكەري قىزمەتشى جۇلدەلى ورىندارعا يە بولدى. اتاپ ايتساق, ءبىرىنشى ورىندى قاراعاندى قالاسىنداعى 5451 اسكەري ءبولىمىنىڭ 1 جەدەل ماقساتتاعى باتالونى جاۋىنگەرلىك قامتاماسىز ەتۋ ۆزۆودىنىڭ اعا مامانى (توپ باستىعى) اعا سەرجانت ەۆگەني بەردنيكوۆ, ەكىنشى ورىندى كوكشەتاۋ قالاسىنداعى 5510 اسكەري ءبولىمىنىڭ اۆتوبروندى تانك قىزمەتىنىڭ اعا مامانى, ەفرەيتور ەلەنا گرەچۋشنيكوۆا السا, پەتروپاۆل قالاسىنداعى 6637 اسكەري ءبولىمى مەديتسينا پۋنكتىنىڭ مامانى ناتاليا يساەۆا ءۇشىنشى ورىنعا يە بولدى. سايىس جەڭىمپازدارى بايقاۋ قورىتىندىسى بويىنشا باعالى سىيلىقتارمەن جانە ۇلتتىق ۇلان «ورتالىق» وڭىرلىك قولباسشىلىعى قولباسشىسىنىڭ ارنايى ديپلومدارىمەن ماراپاتتالدى. بايقاۋدا ساحنانىڭ ءسانىن كەلتىرگەن, ءانى مەن ءبيىن پاش ەتكەن قوستاناي وبلىسى «دوستىق» ءۇيىنىڭ جانە «ولكەتانۋ» مۇراجايىنىڭ باسشىلارىنا العىسىمىز شەكسىز.
وقۋ – ادىستەمەلىك جيىنىنىڭ جالعاسى قوستاناي وبلىسى اكىمدىگىنىڭ «ءتىل دارىن» وقۋ ورتالىعىندا جالعاستى. وڭىردەن كەلگەن ءتىل ماماندارى – قوستاناي وبلىسى اكىمدىگى تىلدەردى دامىتۋ ورتالىعى تىلدەردى دامىتۋ ءبولىمىنىڭ باستىعى باقىتكۇل سۇلەيمەنوۆ, «كازتەست» جۇيەسى بويىنشا جانە قوستاناي وبلىسى «ءتىل دارىن» وقۋ ورتالىعى ديرەكتورىنىڭ ورىنباسارى گۇلنار تالاپوۆا «لاتىن ءالىپبيىنىڭ ەملەسى» تاقىرىبىندا دارىستەر وتكىزدى. ەكىنشى كۇنى وڭىردەن كەلگەن ءتىل ماماندارى ادىستەمەلىك ساباقتار جۇرگىزدى. ادىستەمەلىك ساباقتى وتكىزۋ بارىسىندا جاقسى جەتىستىك كورسەتكەنى ءۇشىن 6505 اسكەري ءبولىمى تجاقج بولىمشە باستىعىنىڭ اعا كومەكشىسى, مايور شىنار ايتكەنوۆا ۇزدىك دەپ تانىلىپ, «ورتالىق» وڭىرلىك قولباسشىلىعى قولباسشىسىنىڭ بۇيرىعىمەن «ۇزدىك مامان» اتاۋىنا يە بولىپ, ديپلوم جانە باعالى سىيلىقپەن ماراپاتتالدى.
ۇلتتىق كيەسى تىلىندە. ءتىل – ادامدى وركەنيەتكە جەتەلەتىن رۋحاني كۇش ەكەنىن ءبىز ەشقاشان ەستەن شىعارماۋىمىز كەرەك.
مۇراتبەك قۇدايبەرگەنوۆ,
مايور, 6697 اسكەري ءبولىمى تجاقج بولىمشە باستىعىنىڭ اعا كومەكشىسى