بۇل شارانىڭ ماقساتى – يننوۆاتسيالىق ءبىلىم بەرۋ تەحنولوگيالارى سالاسىندا وزىق تاجىريبە مەن ءبىلىم الماسۋ. كەزدەسۋ ناتيجەسىندە ءاربىر قاتىسۋشىعا پايدا تيگىزە وتىرىپ, تاجىريبە الۋعا كومەك بولارى ءسوزسىز. اۋقىمدى شاراعا تاجىكستان, تۇرىكمەنستان, قىرعىزستان, وزبەكستان, ليۋكسەمبۋرگ, بولگاريا, پورتۋگاليا, يتاليانىڭ جوعارى وقۋ ورىندارىمەن قاتار وزبەكستان رەسپۋبليكاسىنىڭ ەلشىلىگى جانە ورتالىق ازيا ءبىلىم مينيسترلىگىنىڭ وكىلدەرى قاتىستى. جوباعا قازاقستاننان قر ءبىلىم بەرۋ مينيسترلىگى, الماتى تەحنولوگيالىق ۋنيۆەرسيتەتى جانە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى قاتىستى.
كەزدەسۋ ۋنيۆەرسيتەتتەگى دومبىرا ۇيىرمەسىنىڭ ونەرپازدارىنىڭ «بالبىراۋىن» جانە «اداي» كۇيلەرىمەن اشىلدى. بۇدان سوڭ ورتادا ستۋدەنتتەر «قازاق ءبيىن» بيلەدى.
كىرىسپە ءسوزدى الماتى تەحنولوگيالىق ۋنيۆەرسيتەتىنىڭ ءبىرىنشى پرورەكتورى باۋىرجان نۇراحمەتوۆ باستاپ بەردى. كەلگەن قوناقتارمەن تانىسقان سوڭ ول وقۋ ورداسى – الماتى تەحنولوگيالىق ۋنيۆەرسيتەتىنىڭ تاريحىمەن تانىستىردى. سونداي-اق, جەتىستىكتەرى مەن ءبىلىم ساپاسىنا توقتالا وتىرىپ, ءبىلىم بەرۋدەگى ەرەكشەلىك جونىندە ايتىپ ءوتتى.
بۇدان كەيىن ءار قاتىسۋشى دايىنداپ كەلگەن باياندامالارىن وقىپ, تاجىريبەلەرىمەن ءبولىستى.
Erasmus+ جاڭا جوباسى يننوۆاتسيالىق ءبىلىم بەرۋ تەحنولوگيالارى سالاسىنداعى وزىق تاجىريبەلەرمەن الماسۋ ءۇشىن باعىتتالعان. جوبانىڭ ناتيجەسىندە سەرىكتەس ۋنيۆەرسيتەتتەردىڭ ءار وقۋ ورنىندا 15 يننوۆاتسيالىق ءبىلىم بەرۋ تەحنولوگياسى ورتالىعى جانە 15 وقۋ زەرتحاناسىن سالۋ جوسپارلانىپ وتىر. سونداي-اق, سەرىكتەس ۋنيۆەرسيتەتتەردە يننوۆاتسيالىق تەحنولوگيالاردى ەنگىزۋ ماقساتىندا تسيفرلىق داعدىلاردى يگەرۋ جانە وقىتۋ ادىستەمەسىن مەڭگەرۋ بويىنشا مۇعالىمدەرگە ارنالعان كۋرستار ۇيىمداستىرىلماقشى.
ايتا كەتەيىك, Erasmus+ ءبىلىم بەرۋ باعدارلاماسىنىڭ نەگىزىندە قازىر ءبىلىم بەرۋ ساپاسىنىڭ جوعارىلادى. بۇل جوبا قازاقستان, قىرعىزستان, وزبەكستان, تۇرىكمەنستان جانە تاجىكستاننىڭ 15 ۋنيۆەرسيتەتىندە جانە 4 ەۋروپالىق ۋنيۆەرسيتەتتەر – بولگاريا, يتاليا, پورتۋگاليا, ليۋكسەمبۋرگتا جۇزەگە اسىپ جاتىر.
اتۋ مەديا ورتالىعى