روبوت تەحنيكاسىن قۇراستىرۋشى ۇزدىكتەردى انىقتايتىن جارىسقا بيىل 240 وقۋشى قاتىسىپتى. ۇلتتىق چەمپيوناتتىڭ وسى جىلعى تاقىرىبى «Smart Cities» دەپ اتالىپتى. بالالار ءوز جوبالارىن جەكە نوميناتسيالار بويىنشا قورعاپ, قۇراستىرعان روبوتتارىنىڭ جۇمىسىن تانىستىردى. تالدىقورعاندىق وقۋشىلار بۇل سايىستا 4 بىردەي جوبا قورعادى. جەتىستىك تە جوق ەمەس. ماسەلەن Open Senior ساناتىندا تالدىقورعانداعى نازارباەۆ زياتكەرلىك مەكتەبىنىڭ 11 كلاسس وقۋشىسى دانيل فيليمونوۆ پەن 9 كلاسس وقۋشىسى ەلينا پاك ۇسىنعان «سۋرەتشى-روبوت» جوباسى توپ جارىپ, ءبىرىنشى ورىن الدى.
- وقۋشىلاردىڭ «سۋرەتشى-روبوت» جوباسى ۇتىمدى شىقتى. «اقىلدى» تەحنيكا مەكتەپكە دەيىنگى دايارلىق كلاسىنىڭ تاربيەلەنۋشىلەرىن سۋرەت سالۋ مەن جازۋعا ۇيرەتەدى. مۇندا ۇلكەن ەرەكشەلىك, روبوت نەيروندى جۇيە ارقىلى وقۋشىلارعا سۋرەت سالۋ مەن جازۋ قيمىلىن ۇيرەتىپ قانا قويماي, ولاردىڭ جۇمىستارىن وزدىگىنەن سالىستىرىپ باعالاۋ قابىلەتىنە يە, - دەيدى روبوت تەحنيكاسى كلاسىنىڭ مۇعالىمى نيكولاي اۆديۋنين.
ال باستاۋىش كلاستا وقيتىن نيكيتا پاك پەن انگەلينا دولجەنكو قۇراستىرعان «تاپقىر-روبوت» چەمپيوناتتىڭ Open Elementary ساناتىندا جۇلدەلى 3-ورىنعا يە بولدى.
سونداي-اق, «WRO-2019» ۇلتتىق چەمپيوناتىنا تالدىقورعاندىق بالالار ۇسىنعان «ساپەر-روبوت» جوباسى مامانداردىڭ قىزىعۋشىلىعىن تۋعىزدى. جارىلعىش زاتتاردى ىزدەپ, تاۋىپ, زالالسىزداندىرۋمەن اينالىساتىن روبوتتى 10-سىنىپتىڭ وقۋشىلارى ءدىلناز جەمىسبەك پەن مادينا اگىلامحان قۇراستىرعان ەكەن. جاس زياتكەرلەرگە Engineering Simplicity Honors Award سىيلىعى تاپسىرىلدى.
الماتى وبلىسى